सर्वोपचार रुग्णालयातील रुग्णांची गैरसोय थांबवा - उमेश इंगळे

अकोला (प्रती) :  सर्वोपचार रुग्णालयातील रुग्णांची गैरसोय थांबवावी अशी मागणी महाराष्ट्र राज्य रुग्णसेवक व श्रमिक कामगार संघटना जिल्हा उपाध्यक्ष उमेश इंगळे यांनी केली आहे. सर्वोपचार रुग्णालयात येणारे रुग्ण हे ग्रामीण भागातील रुग्ण आहेत. रुग्णालयात आल्यानंतर त्यांना त्यांच्या तब्येती सोबत अनेक अडचणीना सामोरे जावे लागते औषधी करिता त्यांना खाजगी मेडिकल स्टोअर वर जावे लागते ओपीडी ची वेळ सकाळी ८:३० वाजता आहे डॉक्टर १०:३०/११:०० वाजेपर्यंत येत नाही रुग्णांना तात्काळत त्यांची वाट पाहत बसावे लागते. बरेच डॉक्टर खासगी खासगी प्रॅक्टिस करतात सोनोग्राफी कक्षामधील डॉक्टर वेळेवर येत नाही कक्षामधील डॉक्टर वेळेवर येत नसून रुग्णाची गैरसोय होत आहे सोनोग्राफी करिता रुग्णांना बाहेर जास्त पैसे मोजावे लागतात प्रत्येक रुग्णांना दर्जेदार सेवा देण्यात यावी सर्वोपचार रूग्णांलयामध्ये भरती असलेल्या रुग्णांना डॉक्टर यांच्याद्वारे अपमानास्पद वागणूक मिळते रुग्णांना अपमानास्पद वागणूक देणाऱ्या कर्मचाऱ्यावर कारवाई करण्यात यावी व सर्वोपचार रुग्णालयातील रुग्णांची गैरसोय थांबवावी अशी मागणी महाराष्ट्र राज्य रुग्णसेवक व श्रमिक कामगार संघटना जिल्हा उपाध्यक्ष उमेश इंगळे यांनी प्रसिद्धीस दिलेल्या पत्रकात केली आहे