ग्रामपंचायत वाचनालयात विविध स्पर्धा परीक्षांची पुस्तके व फर्निचर उपलब्ध करून देण्यासाठी विद्यार्थ्यांनी दिले निवेदन

ग्रामपंचायत बोरी (बु) येथील सचिव व सरपंच यांना दिले निवेदन

आशिष साबरे (यवतमाळ जिल्हा प्रतिनिधी) मारेगाव: तालुक्यातील बोरी (बु) येथील ग्रामपंचायत वाचनालयात विविध स्पर्धा परीक्षांची तैयारी करणाऱ्या विद्यार्थ्यांनी काल सोमवार दिनांक 29 नोव्हेंबर 2021 रोजी मा सचिव व सरपंच यांना वाचनालयात विविध स्पर्धा परीक्षांची पुस्तके व फर्निचर उपलब्ध करून देण्याबाबतचे निवेदन दिले. सविस्तर वृत्त असे की ग्रामपंचायत बोरी(बु) अंतर्गत गेल्या 3 वर्षापासून विद्यार्थ्यांना विविध स्पर्धा परीक्षांची तैयारी करण्यासाठी ग्रामपंचायत च्या इमारती मध्ये वाचनालय सुरू करण्यात आले. गावातील विद्यार्थ्यांनी भविष्यात सरकारी अधिकारी होण्याचे स्वप्न उराशी बाळगून वाचनालयात अभ्यास करणे सुरू केले परंतु वाचनालयात विविध स्पर्धा परीक्षांसाठी लागणारी पुस्तके उपलब्ध नसल्याने तसेच योग्य प्रमाणात फर्निचर नसल्यामुळे विद्यार्थ्यांना अनेक समस्यांना तोंड द्यावे लागत आहेत.

विविध स्पर्धा परीक्षांची पुस्तके वाचनालयात उपलब्ध नसल्यामुळे वाचनालयातील विद्यार्थी विविध स्पर्धा परीक्षेची तैयारी करण्यात मागे पडत आहेत. त्यामुळे सर्व गोष्टींचा सरांसार विचार करून काल विद्यार्थ्यांनी ग्रामपंचायत बोरी(बु) ला सदर मागणी बाबतचे निवेदन दिले.  वाचनालय विद्यार्थ्यांनी सदर निवेदन मा.उपसरपंच प्रदीपभाऊ साबरे व मा.सचिव सौ.जयश्रीताई पाटील  यांना दिले. निवेदन देताना शुभम चौधरी,राहुल खंडाळकर, संकेत पिंपळशेंडे, अक्षय पिंपळकर, चेतन खंडाळकर,अनिकेत पिंपळकर आणि गुरुदास नान्नें आदी  वाचनालयातील विद्यार्थी उपस्थित होते.