कोरपना वरून लांब पल्ल्याच्या बसफेऱ्या सुरू करा

प्रवाशांची मागणी ; राज्य परिवहन महामंडळाने लक्ष देण्याची गरज

कोरपना: तेलंगणा राज्य व यवतमाळ जिल्हा सीमेवरील शेवटचे तालुका मुख्यालय असलेल्या कोरपना येथून अनेक ठिकाणी साठी थेट बस फेऱ्या नाही. त्यामुळे प्रवाशांची प्रचंड गैरसोय होते आहे. यादृष्टीने राज्य परिवहन महामंडळानी बस फेऱ्या सुरू कराव्या अशी अपेक्षा व्यक्त होत आहे.

कोरपना येथून नागपूर , हैदराबाद यवतमाळ, गडचिरोली, वर्धा, गोंदिया, आसिफाबाद, निर्मल, पांढरकवडा, रामटेक, उमरेड, अहेरी, जिवती, उटनुर, गोंडपिपरी, वरोरा , ब्रह्मपुरी आदी शहरासाठी एकही थेट बस सेवा नाही. त्यामुळे या भागातील नागरिकांना वणी, राजुरा , आदिलाबाद येथे जाऊन बस पकडावी लागते. यात वेळ व आर्थिक भुर्दंड सहन करावी लागते आहे. कोरपना येथे मोठी बाजारपेठ,अनेक तालुका पातळीवरील शासकीय व निमशासकीय कार्यालये, बँक, शाळा-महाविद्यालये आहे.

त्यामुळे येथील लोकसंख्या बऱ्याच मोठ्या प्रमाणात आहे. त्यादृष्टीने येथून या नियमित बस सेवा चालवण्यात याव्या अशी मागणी होते आहे.तसेच कोरपना येथून वणी मार्गावर अत्यल्प
बसेस आहे. त्यामुळे या मार्गावर बसेसची संख्या वाढवण्यात यावी.