गुरुकुल कॉन्व्हेट मुकुटबन येथे 'संविधान दिवस' उत्स्फूर्तपणे साजरा..!

"माझे संविधान, माझा अभिमान" हा स्तुत्य उपक्रम ही आला शाळेत राबविण्यात

आशिष साबरे (यवतमाळ जिल्हा प्रतिनिधी)  : तालुक्यातील मुकुटबन येथील प्रतिष्ठित गुरुकुल कॉन्व्हेंट शाळेत "माझे संविधान,माझा अभिमान" हा उपक्रम राबवून दरवर्षीप्रमाणे याही वर्षी 'संविधान दिवस ' साजरा करण्यात आला. आज शुक्रवार दिनांक 26 नोव्हेंबर 2021 रोजी गुरुकुल कॉन्व्हेंट मुकुटबन येथे 'भारतीय संविधान दिवस' मोठ्या उत्साहाने साजरा करण्यात आला.

शाळेतील सर्व शिक्षकांनी व  विद्यार्थ्यांनी  संविधानाचे शिल्पकार डॉ.बाबासाहेब आंबेडकर व भारतमाता यांना अभिवादन करून  सामूहिक संविधान उद्दीशिकेचे वाचन केले व राष्ट्रीय एकत्मतेची शपथ घेतली.या प्रसंगी शाळेचे मुख्याध्यापक श्री सुभाष गजभिये सर यांनी  विद्यार्थ्यांना संविधानाचे महत्व सांगितले. गुरुकुल शाळेत संविधान दिनानिमित्त  "माझे संविधान, माझा अभिमान" हा स्तुत्य उपक्रम राबविण्यात येत आहेत. शाळेत या उपक्रमांतर्गत विद्यार्थ्यांनासाठी विविध स्पर्धांचे आयोजन करण्यात आलेले आहेत. यामध्ये निबंध लेखन, पोस्टर निर्मिती, कविता लेखन, घोषवाक्ये लेखन, वक्तृत्व स्पर्धा, रांगोळी स्पर्धा, इत्यादी स्पर्धांचा समावेश आहेत. या विविध स्पर्धा मध्ये विद्यार्थ्यांनी मोठ्या प्रमाणात  सहभाग घेऊन त्यांच्या अंगी असलेल्या कौशल्यांची चुणूक दाखविली आहेत. दिनांक 23 नोव्हेंबर पासून या विविध स्पर्धा आयोजित केलेल्या आहेत.

भारतीय राज्यघटनेतील मुलतत्वांची व्याप्ती आणि सर्व समावेशकता सर्व विद्यार्थ्यांना समजावी तसेच घटनेतील मूलतत्त्वे विद्यार्थ्यांच्या मनावर कोरली जावीत यासाठी संविधानाचा परिपूर्ण परिचय विद्यार्थ्यांना होणे आवश्यक आहे. भारतीय संविधान दिनाच्या निमित्ताने भारतीय संविधानाविषयी जाणीवजागृती आणि भारतीय संविधानातील मूलतत्त्वांचा विद्यार्थ्यांनी जबाबदार, सुजाण आणि सुसंस्कृत नागरिक होण्यासाठी आपल्या जीवनात अंगिकार करून त्याद्वारे संविधानाचा योग्य सन्मान करण्याकरिता शासनाने दिनांक २३ नोव्हेंबर ते २६ नोव्हेंबर, २०२१ या कालावधीत "माझे संविधान, माझा अभिमान" उपक्रम राबविण्याचा निर्णय घेण्यात आला होता.

या उपक्रमाअंतर्गत गुरुकुल शाळेतील वर्ग 4 थी ते 10 वीच्या विद्यार्थ्यांनी सक्रीय सहभाग घेतला आहेत. तसेच आज संविधान दिना निमित्त सकाळी १० वाजता एकाच वेळी भारतीय संविधानातील उद्देशिकेचे वाचन करण्यात आले. शाळेतील विद्यार्थी, शिक्षक तसेच पालक यांना संविधानाची माहिती व्हावी यासाठी संविधानावर आधारित प्रश्नमंजुषा, संविधानिक मूल्ये आणि त्यांचा शालेय अभ्यासक्रमात समावेश, संविधान आणि शिक्षण इ. विषयावर परिसंवाद,  शाळेचे तज्ज्ञ शिक्षक, मुख्याध्यापक श्री सुभाष गजभिये सर यांचे प्रबोधनपर व्याख्यान आयोजन करण्यात आले होते. कार्यक्रमाचे संचालन व आभार प्रदर्शन इंग्रजी शिक्षक आशिष साबरे यांनी केले.कार्यक्रमाला सर्व शिक्षक तथा शिक्षकेतर कर्मचारी व विद्यार्थी उपस्थित होते.