नामांकित कॉमन लाँ ॲडमिशन टेस्ट मध्ये सोनिया कवाडे उत्तीर्ण झाल्याबद्दल संभाजी ब्रिगेड कडून सत्कार.

चंद्रपूर (जिल्हा-प्रतिनिधी) :- देशात कायद्याच्या अभ्यासक्रमा साठी प्रतिष्ठित मानल्या जाणाऱ्या कॉमन लाँ ॲडमिशन टेस्ट मध्ये चंद्रपूर गडचिरोली या दुर्गम भागातून सोनिया कवाडे उत्तीर्ण होऊन चंद्रपूर जिल्ह्यात मानाचा तुरा रोवल्याने संभाजी ब्रिगेड मार्फत सत्कार करण्यात आला आहे. 

चंद्रपूर येथील प्रसिद्ध विधितज्ञ  ऍड. मनोज कवाडे व ऍड. वैशालीताई टोंगे-कवाडे यांची कन्या सोनिया हिने कॉमन लाँ ॲडमिशन टेस्ट ( CLAT)ची परीक्षा उत्तीर्ण करून देशातील नामांकित कॉलेज पैकी नागपूर येथील नॅशनल कॉलेज ऑफ लॉ येथे एलएलबी ऑनर्स अंतर्गत ऍडजुडीकेशन अँड जस्टीसिंग या अभ्यासक्रमात देशातील साठ जणांच्या यादी मध्ये सोनियाने स्थान मिळविले असून या परीक्षेत व  विशेष अभ्यासक्रमात चंद्रपूर गडचरोली या दुर्गम भागातून  यश मिळविणारी सोनिया ही प्रथम विद्यार्थिनी आहे. या यशाबाबत नुकताच संभाजी ब्रिगेडचे प्रदेशाध्यक्ष श्री चंद्रकांत वैद्य, जिल्हाकार्याध्यक्ष डॉ सचिन बोधाने, जिल्हा सचिव गजानन नागपुरे, महानगराध्यक्ष ऍड मनीष काळे यांनी त्यांच्या घरी जाऊन सोनियाचा सत्कार करण्यात आला.

सोनियाच्या यशाबद्दल नागपूर येथील ओबीसी नेत्या डॉ ऍड अंजली साळवे, वणी येथील संभाजी ब्रिगेड चे विधानसभा प्रमुख  ऍड अमोल टोंगे , वणी चे माजी नगराध्यक्ष  पी. के. टोंगे आणी सौ आशाताई टोंगे यांनीसुद्धा अभिनंदन करत पुढील वाटचालीस शुभेच्छा दिल्या. तिच्या यशाचे सर्वत्र कौतुक होत असून अभिनंदनाचा वर्षाव होत आहे.