साहित्यिक विद्वानाचीं समाजाला आज गरज आहे - विधानसभा उपाध्यक्ष ना.नरहरी झिरवाळ यांचे प्रतिपादन.

आहुर्ली (प्रतिनिधी) : समाजासमोरील आदर्श दिवसेंदिवस ढासळत चाललेले आहे.आणि त्यामुळे वेगाने समाजाचे अध:पतन होतानांचे दुर्दैवाने चित्र दिसत आहे अशी खंत व्यक्त करतानांच, समाजाला दिशा, क्रांती, आदर्श व विचार देण्याची ताकद साहित्यिक, विद्वान यांच्यात असुन, आज समाजाला दिशादर्शनासाठी साहित्यिक व विद्वान यांची नितांत गरज आहे असे ठाम प्रतिपादन महाराष्ट्र विधानसभा उपाध्यक्ष ना.नरहरी झिरवाळ यांनी केले. अखिल भारतीय मराठी साहित्य परिषद नाशिक जिल्हा यांचे वतीने नाशिक शहरात आयोजित १० व्या राज्यस्तरीय निमित्रींताचे कवी संमेलन नुकतेच उत्साहात संपन्न झाले. यावेळी संमेलनाचे प्रमुख अतिथी या नात्याने ना. झिरवाळ हे बोलत होते.

यावेळी व्यासपीठावर कार्यक्रमाचे अध्यक्ष अरूण पवार (गटनेते-ना. म. पा. नाशिक), सुरेश खेताडे (नगरसेवक-ना.म.पा), डॉ.विठ्ठल शिंदे( ज्येष्ठ साहित्यिक,विचारवंत, कवी,अभिनेते), आण्णासाहेब रोकडे (ज्येष्ठ साहित्यिक, सामाजिक कार्यकर्ते), मिलिंद कसबे (साहित्यिक, कवी), देविदास खडताळे (उपाध्यक्ष महाराष्ट्र प्रदेश अ. भा. म. सा. प),विलासजी सुर्यवंशी(स्टार न्युज-नाशिक), हिरालालजी महानुभाव(चेअरमन- स्वर्गीय नामदेव परजने पाटील लॉ कॉलेज कोपरगाव ),स्वागताध्यक्ष प्रा.डॉ. आनंद अहिरे (उत्तर महाराष्ट्र प्रमुख अ.भा.म.सा.प.) व आयोजक नवनाथ अर्जुन पा. गायकर (जिल्हाध्यक्ष-अ. भा. म सा. प) आदी मान्यवर उपस्थित होते.
   आपल्या भाषणात पुढे बोलताना सामाजिक विसंगतीवर ना. झिरवाळ यांनी मार्मिक प्रहार करतानां अ.भा.म.सा.प.च्या गाव तेथे वाचनालय या संकल्पनेचे जोरदार स्वागत केले.
   या १० व्या निमंत्रीताच्यां कविसंमेलनाचे उद्घाघाटन अरुण पवार यांचे हस्ते करण्यात आले.
   स्वागताध्यक्ष प्रा.डॉ. आनंद अहिरे यांनी सारस्वताचें स्वागत केले तर आयोजक नवनाथ गायकर यांनी आपल्या प्रास्ताविकामध्ये सलग दहा वर्षे साहित्य सोहळा राबवण्यामागची संकल्पना विशद करताना, साहित्यिकाचे महत्त्व अधोरेखित केले.
   यावेळी नवनाथ गायकर यांनी संपादित केलेल्या प्रातिनिधिक भावस्पर्श या कवितासंग्रहाचेही मान्यवराचें हस्ते प्रकाशन करण्यात आले. तर अ.भा.म.सा.प.नाशिक जिल्हा आयोजित पुस्तक स्पर्धा २०२० तंर्गत प्रकाशित पुस्तक स्पर्धेतील सर्वोच्च विजेते सर्वश्री प्रा.साईनाथ पाचरणे (समिक्षा), संजय धनगव्हाळ (कविता संग्रह), अमेय जाधव (कांदबरी), शुभांगी गादेगावकर (बाल साहित्य) व श्रीमती निला देवल (कथासंग्रह) आदीनां पारितोषिक मान्यवराचें हस्ते वितरीत करण्यात आले.
   तसेच अ.भा.म.सा.प.नाशिक जिल्हा यांचे वतीने काव्य गौरव पुरस्कार २०२१ चे पुरस्कार सर्वश्री माधवी पारख, अंबादास खोटरे, श्रीराम तोकडे, प्रदिप सरवदे, नवनाथ रणखांबे, कविता मोरवणकर, प्रतिभा जाधव, अविनाश ठाकूर, विनय पाटील व शांताराम वाघ आदीनां प्रदान करण्यात आला.
   या सत्राचे सुत्रसंचालन प्रा.दिपक अहिरे व रविंद्र पाटिल यांनी केले तर आभार प्रदिप पाटील यांनी मानले.
    द्वितीय सत्रात निमित्रींताचे कविसंमेलन पार पडले. या सत्राचे अध्यक्ष दत्तु ठोकळे पुणे हे होते तर प्रमुख पाहुणे म्हणून नाशिक शहराचे महापौर सतिश कुलकर्णी व माजी महापौर रंजना भानसी यांचेसह कवियत्री लताताई पवार, बा.ह.मगदुम व अरुण कटारे आदी उपस्थित होते.
   यावेळी बोलताना महापौर सतीश कुलकर्णी यांनी अ.भा.म.सा.प.च्या वतीने मागणी केल्याप्रमाणे नाशिक शहरात साहित्यिक भवन उभारण्यासाठी आपण निश्चित प्रयत्न करु असे ठोस आश्वासन दिले.
   यावेळी महाराष्ट्र भरातुन तब्बल ७८ पेक्षा जास्त कविनीं कविता सादर करत कविसंमेलन गाजवले.
  यात सर्वश्री श्रीमती दिप्ती कुलकर्णी कोल्हापूर, श्रीमती अंजली डोळे पुणे, विलास पंचभाई, संजय गोरडे, कैलास भामरे, प्रमोद घोरपडे, संतोष तावडे शहापुर, सत्यवान वारघडे, साक्षी थोरात, अक्षय सीतापुरे, विनय पाटिल जळगाव, दत्ता देशमुख, सोमनाथ एखंडे, पापालाल पवार आदीसह अनेक कवीनीं सहभागी होत आपल्या रचना सादर केल्या.
   या सत्राचे सुत्रसंचालन योगेश जोशी व राजू आतकरी यांनी केले तर गायकर यांच्या वाढदिवसाच्या निमित्ताने आयोजित काव्यस्पर्धेत विजेत्या कविनां याप्रसंगी पारितोषिक देऊन सन्मानित करण्यात आले.
   कार्यक्रम यशस्वी होण्यासाठी स्वागताध्यक्ष प्रा.डॉ. आनंद अहिरे व आयोजक तथा जिल्हाध्यक्ष नवनाथ गायकर यांच्या नेतृत्वाखाली सर्वश्री बाळासाहेब गिरी, रविंद्र पाटील, सौ.विदया पाटील, प्रदिप पाटील, गोरख पालवे, योगेश जोशी, राजू आतकरी, श्रीराम तोकडे, भारत पालवे, अंबादास खोटरे, शांताराम वाघ, आबा अहिरे, विवेक पाटील, विनय पाटिल, संगिता पगारे आदीसह अनेक पदाधिकारी यांनी परिश्रम घेतले.

छायाचित्रे- 
१) अखिल भारतीय मराठी साहित्य परिषद नाशिक जिल्हा आयोजित १० व्या निमित्रींताचे कविसंमेलन प्रसंगी बोलताना विधानसभा उपाध्यक्ष ना.नरहरी झिरवाळ, समवेत उपस्थित गटनेता अरुण पवार, नगरसेवक सुरेश खेताडे, जेष्ठ साहित्यीक विठ्ठल शिंदे, आण्णासाहेब रोकडे, देविदास खडताळे, स्वागताध्यक्ष प्रा.डॉ. आनंद अहिरे व आयोजक तथा जिल्हाध्यक्ष नवनाथ गायकर आदी....
-----------
२)भावस्पर्श प्रातिनिधिक कवितासंग्रह प्रकाशन प्रसंगी गटनेता अरुण पवार, नगरसेवक सुरेश खेताडे, जेष्ठ साहित्यीक विठ्ठल शिंदे, आण्णासाहेब रोकडे, देविदास खडताळे, स्वागताध्यक्ष प्रा.डॉ. आनंद अहिरे व आयोजक तथा जिल्हाध्यक्ष नवनाथ गायकर आदी.