बोलेरो मधुन गोवंशाची  तस्करी

दहा नग गोधनासह बोलेरो व दुचाकी पोलीसांच्या ताब्यात,अंधाराचा फायदा घेत आरोपी फरार

भारतीय वार्ता प्रतिनिधी (मारेगाव):  कुंभा घोगुलधरा मार्गावरील बाबई पोड नजिक ता.२ एप्रिल रोजी रात्री साडे तीन चार वाजेदरम्यान पोलीस पेट्रोलिंग करत असताना बोलेरो (महिंद्रा मालवाहु)  मध्ये दहा नग गोधनासह दुचाकी  ताब्यात घेतली असुन अंधाराचा फायदा घेत आरोपी मात्र फरार होण्यात यशस्वी झाले. मारेगाव पोलीस आरोपीचा शोध घेत आहे.
       परप्रांतात  गोवंश तस्करी करणारी टोळी सक्रीय असुन तालुक्यातील कुंभा घोगुलधरा मार्गावर असलेल्या बाबई पोड नजिक मारेगाव पोलीस पेट्रोलींग दरम्यान महिंद्रा पिकअप क्रमांक एम.एच.३७ बी.२३७५ व  येणारी दुचाकी क्रमांक एम.एच.२९ के.८६०७ यावर छापा टाकत दहा गोधनासह,एक दुचाकी,व मोबाईल जप्त करण्यात आला असुन यात गोधन दहा नग ९३ हजार, बोलेरो  (महीन्द्रा मालवाहु) सात लाख, दुचाकी २० हजार, व एक मोबाईल एक हजार असा एकुण  ८ लाख चौदा हजाराचा मुद्देमाल मारेगाव पोलीसांनी जप्त केला असुन अंधाराचा फायदा घेत आरोपीनी घटना स्थळावरुन पोबारा केला आहे. घटना स्थळावरुन पोबारा केलेल्या आरोपी विरोधात ११ (घ) (ड) (ज), ५ (अ) (ब) गुन्हा दाखल करुन ,गोधन घोन्सा येथील गोरक्षन मध्ये पाठविण्यात आले.
     सदर कार्यवाही  उप.वि.पोलिस अधिकारी संजय पुज्जलवार  यांचे मार्गदर्शनात पोलिस निरिक्षक जगदीश मंडलवार,स.फौ.श्रीराम हिवरकर,जमादार आनंद अलचेवार,ना.पो.कॉ.नितीन खांदवे,पो.कॉ.अजय वाभीटकर,चालक पो.कॉ.अतुल सरोदे यांनी केली असुन आरोपीचा शोध घेतल्या जात आहे.