धक्कादायक! परळीतून १४० गाढव चोरीला, दिवाळीत गाढवं शोधण्याची पोलिसांवर वेळ...!

बीड :- चोर काय चोरी करतील याची कल्पना नाही. मौल्यवान वस्तू, लूट, पैसे, वाहने चोरीच्या घटना आपण बातम्यांमधून वाचतो, ऐकतो किंवा पाहतो. मात्र, आता चोरीचा नवा प्रकार समोर आला आहे. गांजाच्या सामूहिक लागवडीवरून सर्रासपणे सुरू असलेल्या परळीत आता गाढव चोरीचा प्रकार समोर आला आहे.

परळी शहर पोलीस ठाणे आणि संभाजीनगर पोलीस ठाण्यातून सुमारे 140 गाढवे चोरीला गेल्याची नोंद आहे. गाढवांच्या चोरीमुळे भोई, वडार, बेलदार समाजातील सुमारे 40 ते 50 कुटुंबांवर आर्थिक संकट निर्माण झाले आहे.
गांजाच्या या प्रकारानंतर आता गाढवांची चर्चा जोरात सुरू आहे. त्यामुळे आता मी याबाबत रस्त्यावर उतरणार असल्याचे चंद्रकांत देवकाते यांनी सांगितले. याप्रकरणी तक्रार दाखल करण्यात आली असून पोलीस कारवाई करत आहेत, असे पालकमंत्री धनंजय मुंडे यांनी सांगितले.