मराठा सेवा संघ,औरंगाबाद जिल्हाध्यक्षपदी शिवश्री धनंजय पाटील यांची निवड.

भारतीय वार्ता : दि.३१ जानेवारी २०२१,रविवार रोजी मराठा सेवा संघ,औरंगाबाद जिल्हाध्यक्ष निवड व जिल्हा कार्यकारीणीचे पुनर्गठन करण्यासाठी मराठा सेवा संघ केंद्रीय निवड समितीच्या वतीने "जिजाऊ मंदीर" ,राजर्षी शाहू भवन,म्हाडा कॉलनी,औरंगाबाद येथे बैठकीचे आयोजन करण्यात आले होते.या बैठकीमध्ये सर्वानुमते मराठा सेवा संघ औरंगाबाद जिल्हाध्यक्षपदी शिवश्री धनंजय पाटील यांची निवड करण्यात आली. निवड समितीचे अध्यक्ष तथा मराठा सेवा संघाचे प्रदेश उपाध्यक्ष शिवश्री लिंबराज सुर्यवंशी, समितीचे सदस्य तथा विभागीय अध्यक्ष डॉ.आर.एस.पवार यांनी शिवश्री धनंजय पाटील यांच्या नावाची जिल्हाध्यक्षपदी  निवडीची घोषणा केली. तसेच जिल्हाकार्याध्यक्ष पदी शिवश्री डि.एम.पाटील व शिवश्री दादासाहेब पठाडे,जिल्हासचिव पदी शिवश्री प्रजितकुमार नाईकवाडे, जिल्हाउपाध्यक्ष पदी शिवश्री विजय पाटील व शिवश्री संजय पवार,जिल्हा कोषाध्यक्षपदी शिवश्री अशोक नवले पाटील, जिल्हासंघटक पदी शिवश्री बन्सी सरोवर,शिवश्री रतन पाटील व सहसचिवपदी शिवश्री बाबूराव वडकिले यांची निवड करण्यात आली. यावेळी मराठा सेवा संघाचे जेष्ठ समन्वयक विंगकमांडर टि.आर. जाधव,माजी जिल्हाध्यक्ष तथा मार्गदर्शक डॉ.सुभाष बागल, विभागीय कार्याध्यक्ष शिवश्री दत्ताञय चन्ने, विभागीय उपाध्यक्ष प्रा.भाऊसाहेब शिंदे, प्रा.सुरेश लिपाने, वधुवर सुचक कक्षाचे जिल्हाप्रमुख शिवश्री दिपक जाधव,पैठणचे तालुकाध्यक्ष शिवश्री दशरथ खराद, महेश नाईकवाडे, राजेंद्र पाटील, योगेश सुर्यवंशी, बि.ए.पाटील उपस्थित होते.
    याप्रसंगी मराठा सेवा संघाचे नवनिर्वाचित जिल्हाध्यक्ष शिवश्री धनंजय पाटील यांनी मराठा सेवा संघाच्या जिल्हा कार्यकारणीचा लवकरच विस्तार करून तालूका स्तरावर व ग्रामपातळीवर संघटनात्मक बांधणी करण्यात येईल अशी घोषणा केली.बैठकीचे सुञसंचलन शिवधर्मपिठाचे जिल्हा प्रमुख शिवश्री ज्ञानेश्वर अंभोरे यांनी केले तर आभार प्रदर्शन डॉ.सुभाष बागल यांनी केले.