शहरातील मुख्य चौकात ढोल ताशांच्या गजरात शिवजयंती उत्साहात साजरी..

छत्रपती शिवाजी महाराज यांचे जयंती निमित्त शिवतीर्थ वर उसळला तरुणाईचा जल्लोष.. 

वणी:  शहरातील मुख्य टिळक चौक येथील, छत्रपती शिवाजी महाराज यांच्या स्मारकासमोर , आज १९ फेब्रुवारी ला सकाळी ९ ते ११ वाजता सुमारास अखंड  हिंदुस्थान चे आराध्य दैवत श्री.  छत्रपती शिवाजी महाराज यांची जयंती भगवा ढोल ताशा व झांझ पथक यांच्या वतीने मोठ्या उत्साहात साजरी करण्यात आली.  यावेळी संपुर्ण परिसर हा छत्रपती शिवाजी महाराज यांच्या, घोषणेने गजरुन गेला होता. यावेळी या भगवा ढोल ताशा ध्वज आणी झांझ पथकामध्ये मोठ्या प्रमाणात युवक-युवतींनी मोठ्या उत्साहात सहभाग दर्शविला होता. या पथकामध्ये ,२५ ढोल तर १० ताशे असा एकुण संच सहभागी झाला होता. आणी मोठ मोठ्या शिवाजी महाराजांच्या पताकांनी ,शिवाजी महाराज जयंती ,उत्साहात साजरी करण्यात आली.

शिवतीर्थ वर उसळला तरुणाईचा जल्लोष:

या निमीत्ताने  छत्रपती शिवाजी महाराज जयंती निमित्त सकाळी शिवतीर्थ वर शिवजन्मोत्सव युवा समितीतर्फे छत्रपती शिवाजी महाराजांच्या पूर्णकृती पुतळ्याचे समितीचे अध्यक्ष अजिंक्य शेंडे यांचे उपस्थितीत पुजन, हारार्पण करून भव्य भगवा ढोल पथक वाजवून शंख नाद करण्यात आला. यावेळी हा भव्य सोहळा पाहण्यासाठी शिवप्रेमी बांधवांनी प्रचंड गर्दी केली होती.

कोरोनाचा वाढता प्रभाव व जिल्हाधिकारी यवतमाळ यांचे नियमांचे काटेकोरपणे पालन करत सायंकाळ ची जंगी मिरवणूक रद्द करून शिवजन्मोत्सव युवा समितीचे पदाधिकार्यांनी शिवतीर्थवर महाराज्यांची जयंती साजरी केली.

यावेळी शिवजन्मोत्सव समितीचे पदाधिकारी अजिंक्य शेंडे ,मिलिंद बावणे,ललित लांजेवार,ध्रुव येरणे,प्रियुश चव्हाण सौरभ वानखेडे, अजय कुमरे हर्षद मुसळे ,सचेत पावडे, राजु धोबे,विशाल घाटोळे, संकेत ठाकरे,गौरव देशमुख,मंगेश काकडे, श्रेयस माळिकर,सतीश खोंडे, सौरभ बोडे, सुमित चौधरी,हितेश गोडे, योगेश आवारी व अनेक शिवप्रेमी युवक उपस्थित होते