दरोडयाच्या प्रयत्नात असलेल्या टोळीला शिरपुर पोलीसांकडुन अटक..!

 भारतीय वार्ता (प्रतिनिधी) : दि. ११/०९/२०२१ रोजी पोलीस स्टेशन शिरपुर हद्दीत दिड दिवसांच्या गणेश मुर्तीचे विसर्जन असल्याने पोलीसांचे पथक परिसरात पेटोलींग करीत होते, सायंकाळी १८.०० वाजताचे सुमारास गोपनिय खब-यामार्फत माहीती मिळाली की, शिंदोला ते कळमना रोडवरील बंद असलेल्या शालीवाहना एनर्जी लिमीटेड या कंपणीत रात्रीचे सुमारास काही लोक कंपणीतील मौल्यवान साहीत्य ज्यामध्ये तांब्याची तार व इतर वस्तु असे चोरी करण्याच्या इरादयाने येणार आहेत. अशा माहीतीवरून शिरपुर पोलीस स्टेशनचे ठाणेदार सचिन लुले व त्यांचे इतर सहका-यांनी साध्या गणवेशात शालीवाहना कंपणीत दबा धरून बसलेले असतांना रात्री ११.३० वाजताचे सुमारास एक पांढ-या रंगाचे चारचाकी वाहन कंपणीचे गेटचे समोर काही अंतरावर येवुन थांबले, सदर वाहनातुन 'तिन इसम कंपणीचे गेटचे बाजुला असलेल्या ताराचे कंम्पाउंड तोडुन प्रवेश करून आत आले असता दवा धरून बसलेल्या पोलीस स्टॉफने त्यांना अत्यंत शिताफीने ताब्यात घेतले तर पोलीसांची कारवाई बघता बाहेर उभे असलेले पांढ-या रंगाचे वाहन ज्यामध्ये इतर तिन इसम बसलेले होते ते अंधाराचा फायदा घेवुन पळुन जाण्यात यशस्वी झाले.

ताब्यात घेण्यात आलेल्या इसमांना त्यांची नावें विचारली असता, त्यांनी  नावे १) मोहसिन निसार शेख, वय २३, २) शाहरूख शहादतुल्ला कुरेश, वय २४, ३)ताहीद अहमद कुरेशी, वय २२, सर्व रा. घुगुस असे सांगीतले. त्यांचे ताब्यात लोखंडी कोयता, कु-हाड, दोरी, दोन लोखंडी आरी पत्ते व मोबाईल असा २७,१००/- रूपयांचा ऐवज हस्तगत करण्यात आला, त्यांना विश्वासात घेवुन विचारपुस केली असता त्यांनी सदर कंपणीत मौल्यवान साहीत्य चोरी करण्याच्या इरादयाने तेथे आल्याचे व कंपणीचे सुरक्षा रक्षक यांनी त्यांना मनाई केल्यास त्यांना
धमकी देवुन सोबत असलेल्या हत्यारांनी जखमी करण्याचा कट असल्याचे उघड केले.

तसेच पळुन गेलेल्या इसमांची नावे ४)अजय नायक, ५)जॉनी व ६)कौशल असे असल्याची व पुर्ण नावे माहीत नसल्याचे सांगीतले. सदरची कारवाही ही, पोलीस अधिक्षक डॉ. श्री. दिलीप पाटील भुजबळ साहेब, अपर पोलीस अधिक्षक डॉ. श्री. खंडेराव धरणे साहेब, उपविभागीय पोलीस अधिकारी प्रदीप पाटील यांचे मार्गदर्शनात शिरपुर पोलीस स्टेशनचे ठाणेदार श्री सचिन लुले, पोउपनि/राम कांडुरे, पोलीस नाईक प्रमोद जुनुनकर, गुणवंत पाटील, गंगाधर घोडाम, अनिल सुरपाम, आशीष टेकाडे, अभिजित कोशटवार, यांनी पार  पाढली.