सावधान! शहरात असुरक्षित अन्नपदार्थाची बेभाव विक्री

भारतीय वार्ता: दिवाळी सारख्या सनासुदीच्या दिवसांत अनेक नागरिक खाद्य पदार्थांचा आस्वाद घेण्यासाठी बाहेर पडत आहे. कोविड – १९ प्रादुर्भावाचे सावट अजून संपले नसून हॉटेल्स, रेस्टारंट, उपहार गृहात आवश्यक सर्व सोयीची उपलब्धता करण्याचे अन्न व औषध प्रशासनाचे निर्देश आहे. मात्र या निर्देशाला चंद्रपूर शहरात तसेच वरोरा, भद्रावती,राजूरा, इतर तालुक्यात पुरता हरताळ फासला जात असल्याचे चित्र दिसून येते. अन्न व औषध प्रशासनाची हलगर्जीपणाही चव्हाट्यावर आली असून तक्रारीसाठी फोन केला असता सर्व अधिकारी नॉटरिचेबल असल्याची बाब समोर आली आहे.याचा फायदा घेत परशान व्यवसाइक तर रस्ता अतिक्रमण करून आपले वर्चस्व निर्माण करीत आहे.

यामुळे नागरिकांच्या आरोग्याचे रक्षण करण्यासाठी प्रशासनातील कोणीच वाली उपलब्ध नसल्याने नागरिकांच्या आरोग्याचा गंभीर प्रश्न निर्माण झाला आहे. दिवाळी सणानिमित्ताने अनेक नागरिक खाद्य पदार्थ खरेदी व आस्वाद घेण्यासाठी बाहेर पडत आहे. राज्य शासनाच्या सामान्य प्रशासनाकडून परिपत्रक जारी करण्यात आले आहे. परंतू शासनाच्या आदेशाला केराची टोपली दाखवत, अधिकाऱ्यांनी नागरिकांच्या तक्रारी व समस्या जाणून घेवून कार्यवाही करण्याच्या कचाट्यातून स्वतःला दुर ठेवण्यासाठी संपर्क क्रमांकच बंद करून ठेवले आहे. एकप्रकारे भेसळ, असुरक्षित अन्नविक्री, हॉटेल्समधील कर्मचाऱ्यांची अरेरावी यांना मुकसंमतीच प्रशासनाकडून दिली गेली की काय? असा प्रश्न उपस्थितीत केला जात आहे.