चिखलगाव मध्ये कृषी केंद्रातुन बियाणांची चोरी..

वणी पोलीसांकडून चोरट्याचा कसून तपास सुरू

वणी : शहरातील लाॅकडाऊन खुलल्यामुळे चोरीचे प्रमाण वाढले असुन अज्ञात चोरट्यानी बार, दुचाकी,कृषी पानटपरी याना टारगेट केले असुन वणी पोलीस या अज्ञात चोराच्या मार्गावर असताना या चोरीने पुन्हा एका चोरी प्रकरणाचा तपास करण्याचे आव्हान उभे केले आहे. शहरा पासून अर्ध्या की मी अंतरावरील चिखलगाव येथील ९६ हजारांच्या चोरी प्रकरणी वणी पोलिस तपास यंत्रणा पुन्हा कामी लागली आहे.

याविषयी सविस्तर वृत असे की, मंगळवारी शहरालगत असलेल्या चिखलगांव येथील कृषी केंद्राच्या गोदामात चोरटयांनी चोरीचा प्रयत्न केला व कृषी केंद्राच्या गोदामाचं शटर च कुलूप तोडून आत प्रवेश केल्याची घटना १५ जूनच्या रात्री दरम्यान घडली असून १६ जूनला दुपारी १२.२५ वाजता कृषी केंद्र संचालकाने या बाबत वणी पोलिस स्टेशनला तक्रार नोंदविली. यावरून पोलिसांनी अज्ञात आरोपींविरुद्ध गुन्हा दाखल केला असून चिखलगांव येथील फिर्यादी चे नाव चंद्रशेखर पांडुरंग देठे (45) यांच्या मालकीचे भूमिपुत्र या नावाने कृषीकेंद्र आहे.

१५ जूनला रात्रौ दरम्यान अज्ञात चोरटयांनी कृषीकेंद्राच्या गोदामाचे शटरचे कुलूप तोडून आत प्रवेश केला व कृषी केंद्राच्या गोदामामध्ये असलेली ७ क्विंटल तूर किंमत ४२ हजार रुपये व सोयाबीन बियाण्याच्या १४ बॅग किंमत ५४९०० असा एकूण ९६ हजार ९०० रुपयांचा कृषी माल लंपास केला. सकाळी कृषी केंद्र उघडण्यास आलेल्या कृषीकेंद्र चालकास कृषी केंद्राच्या गोदामात चोरी झाल्याचे लक्षात आल्याने त्यांनी तत्काळ पोलिस स्टेशन गाठून अज्ञात चोरट्यांविरुद्ध तक्रार दाखल केली. कृषीकेंद्र चालकाच्या तक्रारीवरून पोलिसांनी अज्ञात आरोपींविरुद्ध भादंवि च्या कलम ४६१, ३८० अंतर्गत गुन्हा दाखल केला आहे.