आय आर सीएचपी बंकर जवळ भंगार चोरटयांनी केली सुरक्षा रक्षकास मारहाण..!

आय आर सीएचपी बंकर जवळ, भंगार चोरट्यांनी सुरक्षा रक्षकाला मारहाण केल्याची घटना काल रविवारी घडली असून या प्रकरणी दोन आरोपींना घुग्गुस पोलिसांनी अटक केली आहे.बाबू उर्फ मोहम्मद सद्दाफ व रजनीकांत गिरी असे अटकेतील आरोपींची नाव आहेत.

वैभव निमकर हा घुग्गुस येथील सब एरिया goc मध्ये सिक्युरिटी गार्ड म्हणून कार्यरत आहे.त्याची ड्युटी रविवारी आयआर सीचपी बंकर जवळ लागली होती. अशातच असलेले 2 इसम यार्ड मध्ये पोहोचले व तिथे कार्यरत असलेल्या सुरक्षा रक्षकाला अश्लील शिवीगाळ करत मारहाण केली.या सर्व प्रकरणाची तक्रार सुरक्षा रक्षक निमकर याने घुग्गुस पोलिसात केली असून पोलिसांनी दोन आरोपींना अटक केली आहे.

जिल्ह्यातील दारूबंदी उठताच गुन्हेगारी पार्श्वभूमी असलेल्या युवकांनी हातपाय पसरायला सुरुवात केली असून या आधी सुद्धा भंगार चोरट्यानी सुरक्षा रक्षकांना मारहाण केली आहे. त्यामुळे आरोपींवर कडक कारवाई करावी अशी मागणी करण्यात आली आहे.