इंदिरा गांधी महिला महाविद्यालय घुग्घुस येथे सावित्रीबाई फुले यांची जयंती उत्साहात साजरी

महाविद्यालयात पोलीस विभागामार्फत विद्यार्थ्यांना महिला छळणूक कायद्याचे मार्गदर्शन

देवानंद ठाकरे (घुग्घुस प्रतिनिधि):  आज दि.3 जानेवारी रोजी इंदिरा गांधी महिला महाविद्यालय घुग्घुस येथे सावित्रीबाई फुले यांची जयंती साजरी करण्यात आली. बालिका दिनाच्या औचित्य साधून घुग्घुस परिसरात "महिला शिक्षण जनजागृती" विषयाला अनुसरून प्रभात फेरी काढण्यात आली. यावेळी महाविद्यालयातील विद्यार्थ्यांनिनी शिक्षण जनजागृती चे नारे दिले तसेच सावित्रीबाई फुले यांनी स्त्री शिक्षनासाठी साकारलेल्या बाबींची माहिती रैली च्या माध्यमातून प्रकट केली. 

प्रभात फेरीची सुरुवात इंदिरा गांधी महिला महाविद्यालयाच्या प्रांगणातुन सुरू झाली व पोलिस स्टेशन, नगरपरिषद, आठवडी बाजार, गांधी चौक मार्गे महाविद्यालयात समाप्त झाली.  बालिका दिनाच्या या दिवसावर घुग्घुस पोलीस स्टेशन विभागामार्फत महाविद्यालयातील विद्यार्थानिना विनयभंग झाल्यास प्रतिकार करण्यास काय केले पाहिजे? यावर  मह्त्वपूर्ण मार्गदर्शन पोलीस सह्ययक निरीक्षक मेघा गोखरे यांनी  विद्यार्थ्यांना दिले.

सावित्रीबाई फुले यांच्या जयंतीनिमित्त झालेल्या विविध कार्यक्रमात विद्यार्थीनिनी सहभाग दर्शविला. सदर कार्यक्रमाला महाविद्यालयाचे प्राचार्य तोसिफ शेख सर, सहायक पोलीस निरीक्षक मेघा गोखरे मॅडम, महाविद्यालयाचे लिपिक सचिन साखरकर, धनराज वाभीटकर, शिक्षक वर्ग,  पोलीस विभागाचे दिनेश वाकडे, प्रफुल पिंपळकर, इतर पोलीस कर्मचारी यांची उपस्थिती होती. कार्यक्रमाचे संचालन प्राध्यापिका सुप्रिया साखरकर यांनी केले तर सचिन साखरकर यांनी सर्वांचे आभार व्यक्त केले. कार्यक्रमाला यशस्वी करण्यास महाविद्यालयातील कर्मचारी भुपेंद्र खुसपुरे, मंजू बोरकुटे, विद्या माडेकर यांचे अथक प्रयत्न होते.