शेतकरी तक्रार निवारण केंद्राला सत्यपाल महाराजांची भेट..!

वणी : येथील तहसील कार्यालगत असलेल्या सामाजिक कार्यकर्ते दिलीप भोयर यांच्या शेतकरी तक्रार निवारण केंद्राला आज ता.२९ रोजी दुपारी १ वाजता सप्तखंजेरी वादक राष्ट्रीय कीर्तनकार समाज प्रबोधनकार सत्यपाल महाराज यांनी भेट दिली होती. परिसरातील पीडित शेतकरी वयोवृद्ध, विधवा, व दिव्यांग लोकांसाठी मागील ६ वर्षांपासून सामाजिक कार्यकर्ते दिलीप भोयर यांनी शेतकरी तक्रार निवारण व मोफत मार्गदर्शन केंद्र उभारल आहे.

यात गोर गरिबांना उचित मार्गदर्शन करून त्यांच्या समस्यांना वाचा फोडण्याचे कार्य केल्या जात असल्याने या कामाची दखल म्हणून ग्रामगीतेचे प्रचारक व राष्ट्रीय कीर्तनकार सप्त खंजेरीचे जनक सत्यपाल महाराज यांनी या केंद्राला भेट दिली यावेळी सामाजिक कार्यकर्ते दिलीप भोयर, मिलिंद पाटील, सप्तखंजेरी वादक चिडे गुरुजी, उदयपाल महाराज, पुंडलिक मोहितकार, निखिल झाडे आदि मान्यवर उपस्थित होते.