एस. टी. कामगारांच्या आंदोलनाला वंचितचा पाठिंबा

वणी : मागील दहा दिवसापासून राज्यातील एस. टी. कामगारांचे आंदोलन सुरू असून या आंदोलनाकडे सरकारचे दुर्लक्ष होत असून या आंदोलनाला पाठिंबा देत वंचित बहुजन आघाडी देखील मैदानात उतरली आहे. येथील आगारात सुरू असलेल्या आंदोलनात आज ता. ६ रोजी दुपारी १२ वाजता वंचित बहुजन आघाडीच्या पदाधिकाऱ्यांनी भेट देऊन आपला पाठिंबा दर्शविला.

एस.टी. परिवहन महामंडळाचे राज्य शासनामध्ये विलीनीकरण करण्यासाठी एस.टी कामगारांचे मागील दहा दिवसा पासून आंदोलन सुरू असल्याने बससेवा सर्वत्र बंद आहे. त्यामुळे प्रवासाचे देखील प्रचंड हाल होत असताना देखील या रास्त मागणीसाठी होत असलेल्या आंदोलनाकडे राज्य सरकार जाणीव पूर्वक दुर्लक्ष करीत असल्याचे आरोप वंचितच्या पदाधिकाऱ्यांनी केले आहे.

यावेळी चालू असलेल्या आंदोलनाला वंचितचे जिल्हाउपाध्यक्ष मंगल तेलंग यांच्या मार्गदर्शणाखाली तालुकाध्यक्ष दिलीप भोयर यांचया नेतृत्वात एका शिष्टमंडळाने आंदोलनाला भेट दिली. यात जेष्ठ नेते मिलिंद पाटील, तालुकापाध्यक्ष नरेंद्र लोणारे, शहराध्यक्ष किशोर मुन, महासचिव प्रा. डॉ. आनंद वेले, भारत कुमरे, किशोर चांदेकर, मनोज मोडक, कुणाल मोडक, कपिल मेश्राम, यांचेसह अनेक कार्यकर्ते उपस्थित होते. यावेळी असंख्य एस टी. कामगार उपस्थित होते.