रिधोरा ते बाळापुर राष्ट्रीय महामार्गाची दुरुस्ती - रणजीत तायडे यांच्या मागणीला यश.

 अकोला (प्रतिनिधी): दिनांक १८ आँक्टोबर रोजी कार्यकारी अभियंता सार्वजनिक बांधकाम विभाग अकोला यांना रिधोरा गावाचे युवा नेते रंजित भिमराव तायडे यांनी निवेदनाद्वारे सत्यता दाखवण्याचा प्रयत्न पुढिल प्रमाणे रिधोरा बाळापुर राष्ट्रीय महामार्गाचे पूर्ण पणे रखडले होते. रस्त्यामध्ये मोठं मोठी खड्डे पडले होते नागरिकांना आपला जीव मुठीत घेऊन प्रवास करावा लागत होता गेल्या पंधरा दिवसापूर्वी बाळापूर येथे भीषण अपघात झाला, चौपदरीकरणाचे काम सुरू असताना रस्त्याच्या दुतर्फा साईड पट्टया देखील नाहीत. सदर रस्त्याचे पचवर्क कामाची खडी रस्त्याच्या कडेला पडली होती,  या बाबद योग्य ती दखल घेऊन खड्डे त्वरित डांबर टाकून बुजविण्यात यावे अन्यथा जन-आंदोलन करण्यात येईल.  असा इशारा सार्वजनिक बांधकाम विभाग अकोला येथे कार्यकारिणी अभियंता यांना रंजित भिमराव तायडे यांनी दिला होता  व या सर्व गोष्टींचा आढावा घेऊन रिधोरा ते बाळापुर राष्ट्रीय महामार्गाचे डांबरीकरण करण्यास सुरुवात होऊन काम पुर्ण करण्यात आले.