शिरपूर क्षेत्रातील गावांसाठी अतिरिक्त वीज अभियंता मागणीसाठी ग्रामसंवाद सरपंच संघाचे ऊर्जामंत्री नितीन राऊत यांना निवेदन.

शिरपूर : वणी तालुक्यातील शिरपूर क्षेत्राच्या ५५ गावांचे दोन भाग करून अतिरिक्त वीज अभियंता तसेच कर्मचारी देण्याची मागणी ग्रामसंवाद सरपंच संघाचे निवेदन ऊर्जामंत्री मा. श्री. नितीनजी राऊत यांना ते वणी येथे एका कार्यक्रमात आले असता देण्यात आले.  शिरपूर क्षेत्रात ५५ गावांसाठी एकच सेक्शन कार्यालय व १०००० ग्राहकांना सेवा देण्यासाठी एकच वीज अभियंता व ७-८ कर्मचारी असल्यामुळे ब्रेक डाऊन झाले किंवा वीज गेली तर ग्राहकांचे खुप हाल होतात.दोन दोन दिवस वीज येत नाही तसेच शेतीला ओलित करण्यासाठी खुप अडचणी येतात त्यामुळे सदर शिरपूर गावांचे दोन भाग करून एक अतिरिक्त वीज अभियंता व कर्मचारी नेमला तर असलेल्या कर्मचाऱ्यांवरचा भार कमी होईल.तसेच लोकांना नाहक त्रास  सहन करावा लागणार नाही.सदर निवेदन देताना ग्रामसंवाद सरपंच संघाचे तालुकाध्यक्ष अक्षय कवरासे, सचिव हेमंत गौरकार , ॲड.आशिष मडावी, सूवर्णा जुनगरी, मंगला टेकाम , गणेश जेणेकर, निलेश कोरवते, राकेश खामणकर, स्वाती राजुरकर, नितीन तुराणकर , जगदीश बोरपे,निलीमा बोंडे,शुभम मत्ते, अर्चना डाखरे उपस्थित होते.