नातं रक्ताचं, नातं जिव्हाळ्याचं..

लेखन : म.आसिफ शेख (प्रतिनीधी, लोकमत, वणी.)

भारतीय वार्ता (प्रतिनिधी ) : रक्तदान म्हणजे जीवनदान. मात्र, कोरोनाचा प्रादुर्भाव वाढून लाॅकडाऊन लागला. त्यामुळे संपूर्ण राज्यभरात रक्तदानाचे उपक्रम थांबले होते. पर्यायाने शस्त्रक्रिया आणि अनेक उपचारांमध्ये अडचणी निर्माण झाल्या. आता लाॅकडाऊन उठविले असले तरी रक्ताचा तुटवडा कायम आहे. त्यामुळेच ‘लोकमत’च्यावतीने स्वातंत्र्य संग्राम सेनानी तथा लोकमतचे संस्थापक संपादक जवाहरलाल दर्डा उपाख्य बाबूजी यांच्या जयंतीनिमित्त २ जुलै २०२१ पासून जिल्ह्यातील सर्व तालुका ठिकाणी ‘रक्ताचं नातं’ ही व्यापक मोहीम राबविली जात् आहे, अनेक रुग्णांचा जीव वाचविण्यासाठी रक्ताची तातडीची गरज आहे. त्यामुळेच रक्तदानाच्या या सत्कार्यात आपण सक्रिय योगदान द्यावे. संस्थेच्या सहकारी, कार्यकर्त्यांनाही रक्तदानासाठी प्रोत्साहित करावे. तसेच ७ जुलै २०२१रोजी बुधवारी सकाळी १० वाजता वणी येथील शेतकरी मंदिरात  होणाऱ्या रक्तदान उपक्रमाच्या उद्घाटनप्रसंगी उपस्थित राहावे व आपण स्वतःही रक्तदानासाठी पुढे यावे, ही विनंती.