विश्वसम्राट बळीराजा गौरवदिन राज्यस्तरीय रांगोळी स्पर्धेचा निकाल जाहिर.

सिन्ररच्या हर्षाली संजय शिंदे हिचा स्पर्धेत व्दितीय क्रमांक आला

भारतीय वार्ता :   सत्यशोधक प्रबोधन महासभा ,महाराष्ट्र यांचे तर्फे बळीराजा  गौरव दिनानिमित्त राज्यस्तरीय ऑनलाईन रांगोळी स्पर्धा आयोजित केली होती.यात चंद्रपूर,यवतमाळ,अमरावती,अकोला,सोलापूर,कोल्हापूर,सांगली ,अहमदनगर,धुळे ,नाशिक, मुंबई आणि पुणे येथील साडेचारशे स्पर्धकांनी सहभाग घेतला.त्यात बळीराजाची आर्त हाकेचा संदेश देणारी रांगोळी कु. हर्षाली संजय शिंदे,सिन्नर हिने उत्तम पद्धतीने सादर केली त्यानुसार तिला द्वितीय क्रमांकाचे पारितोषिक ऑनलाइन घोषित करण्यात आले..यावेळी आयोजक प्रा.प्रतिमा परदेशी यांनी फोन करून अभिनंदन केले .व पारितोषिकाची रक्कम ऑनलाईन हस्तांतरित केली..या अप्रतिम कलाकृती मुळे नुकतेच लिम्का बुक ऑफ रेकॉर्ड ने सन्मानित व दैनिक ॲग्रोवन मधील चकाट्या सदर चालवणारे व्यंगचित्रकार श्री .लहू काळे यांनी हर्षालीचे फोन करून अभिनंदन केले.फुले शाहू आंबेडकर सोशल फाऊंडेशन,पुणे या संस्थेचे अध्यक्ष श्री रघुनाथ ढोक यांनी देखील अभिनंदन केले.हर्षालीला महामित्र दत्ताजी वायचळे यांचे मोलाचे मार्गदर्शन लाभले.याच प्रसंगी राष्ट्र सेवादल कार्यकारिणी, अनिसचे चे अरूण घोङेराव आदींनी नाशिक विभासाठी गौरवशाली असल्याचे सांगून अभिनंदन केले.