पावसा रे, पावसा रे..!

लेखन : मारोती डोंगे (कोरपना)

पावसा रे, पावसा रे
आता तरी जाणं रे 
खुप झाला पाऊस रे
आता तरी जाणं रे 

सोयाबीन गेलं, कापूस गेलं.
पाऊस गेला नाही रे
पावसा रे, पावसा रे
आता तरी जाणं रे 

ज्वारी झाली काळी,
तुर आली मरणाला.
तरी पाऊस गेला नाही रे
पावसा रे, पावसा रे
आता तरी जाणं रे 

सोयाबीन वापून राहिलं,
कापूस सडायला लागला.
तरीपण पाऊस गेला नाही रे
पावसा रे, पावसा रे 
आता तरी जाणं रे 

या सततच्या पावसाने
शेतकऱ्यांचे केली हाल
आता तरी पावसा
शेतकऱ्यांचे समजून घे रे हाल
पावसा रे, पावसा रे
आता तरी जाणं रे 

पावसा रे, पावसा रे
असा नको कोपू रे
शेतकऱ्याच्या जीवनाची
पाहू नको परीक्षा रे
पावसा रे, पावसा रे
आता तरी जाणं रे 

शेतकऱ्याच्या जीवनाचा
पाहू नको अंत रे
पावसा रे, पावसा रे
आता तरी जाणं रे 

शेतकऱ्यांच्या समृद्धीचा
आहेस तू वाली रे
तरी पण असा नको करू रे
पावसा रे, पावसा रे
आता तरी जाणं रे 

आहे पाऊसाची साथ मला
तेव्हाच पिके दिसते उभी मला
तरी पण हात जोडून विनंती करतो रे
आता तरी थांब पावसा
पावसा रे पावसा रे
आता तरी जाणं रे