वणीत प्रतिबंधित असलेला सुगंधित तंबाखावर धाड..

१४ लाख ५५ हजाराचा मुद्देमाल जप्त

वणी : शहरासह तालुक्यात प्रतिबंधित असलेला सुगंधित तंबाकू  मोठ्याप्रमाणात विक्री होत असल्याचे सततच्या कारवायातून दिसून येत आहे. काही दिवसांपुर्वी चिखलगाव येथील महादेव नगरी मध्ये केलेल्या कारवाईत सुगंधित तंबाकू, माजा,सुपारी असा लाखोंचा मुददेमाल जप्त करण्यात आला होता तर काही दिवसापुर्वीच दिपक चौपाटी परीसरात एका किराणा व्यापार्याकडे लाखोचा प्रतिबंधित असलेला सुगंधित तंबाकू, माजा असा मुददेमाल जप्त करण्यात आला होता. अशिच एक कारवाई तालुक्यातील रासा येथे पोलिसांनी केली. या कारवाईत १४ लाख ५५ हजार ६०० रुपयेचा सुगंधित तंबाकू, माजा सह मुददेमाल जप्त करण्यात आला आहे.

दि.२४ एप्रिल रोजी वणी पोलीसांना गूप्त माहिती वरून खबर मिळाली की, तालुक्यातील रासा येथे प्रतिबंधित सुगंधी तंबाखुची खेप आली असुन एका घरात उतरवणे सुरु आहे, या माहितीच्या आधारावरून पोलीसांनी रासा येथे जावुन धाड मारली असता नामे दिपक महादेव खाडे (२७) वाहन चालक रा. रासा ता.वणी हा व त्याचे सोबत दिपक कवडु चावला (४०)रा. महादेव नगरी वणी असे आपले घरी टाटा एस वाहन क्र. एम.एच- २९ ए.टी -०८८५ ने आनुन विक्रीसाठी प्रतिबंधीत असलेला जर्दा/माजाची तंबाखु चा माल उतरवुन थांबुन असतांना  मिळाले, त्यांचे घरझडती घेतली असता पांढरे रंगाचे बोरी, गोणीत एकुण २०० नग मजा १०८ हुक्का शिशा तंबाखु असे लिहीलेले ५० ग्रॅम वजन असलेले ZEN TOBACCO PVT LTD कंपनीचा प्रतिबंधित सुगंधी तंबाखुचे डब्बे किंमत प्रती डब्बा १९१ रुपये असे ४ बोरीमध्ये एकुन ८०० नग एकुण किंमत १ लाख ५२ हजार ८०० रुपये , पांढरे रंगाचे बोरी, गोणीत एकुण ४० नग ईगल हुक्का शिशा तंबाखु पॉकीट ZEN TOBACCO PVT LTD कंपनीचा प्रतिबंधित सुगंधी तंबाखु चे एकुन १२ गोणी, पोती प्रत्येक गोणीत ४०० ग्रॅम वजनाचे ४० पॅकीट अं.कीं २ लाख ५९ हजार २०० रुपये ,पांढरे रंगाचे एकुन १८ बोरी, गोणीत मजा १०८ हुक्का शिशा तंबाखु चे पॉकीट ZEN TOBACCO PVT LTD कंपनीचा प्रतिबंधित सुगंधी तंबाखुचे एकुन १८ गोणी पोती प्रत्येक गोणीत २०० ग्रॅम वजनाचे ४० टिन डब्बे प्रत्येकी कि.७५५ रुपये असा एकूण ५ लाख ४३ हजार ६०० रुपये असा एकूण ९ लाख ५५ हजार ६०० रुपयेचा मुददेमाल व माल वाहतुकी करीता वापरण्यात आलेले टाटा एस वाहन क्र. एम.एच-२९ ए.टी- ०८८५ किंमत ५ लाख असा एकून १४ लाख ५५ हजार सहाशे रुपयेचा मुद्देमाल मिळुन आला. वरिल नमुद मुद्देमाल हा चंद्रपुर येथील वसीम यांचे जवळुन आणला असल्याचे सांगितले. सदर आरोपीतांनी कोव्हीड-१९ आजारास कारणीभूत असे कृत्य केले व मा. जिल्हाधिकारी यवतमाळ यांचे आदेशाचे उल्लंघन केल्यामुळे आरोपी  दिपक महादेव खाडे (२७) रा.रासा ता. वणी, दिपक कवडु चावला (४०)रा.महादेव नगरी वणी , वसीम रा.चंद्रपुर यांचेविरुद्ध कलम १८८, २६९, २७०, २७१, २७२, २७३ मा.वि सह २, ३ साथ रोग अधिनियमांतर्गत गुन्हा नोंद करून तपासात घेतला. गुन्हयाचा पुढील तपास सुरू आहे.

सदरची कार्यवाही मा. डॉ. दिलीप पाटील-भुजबळ पोलीस अधीक्षक यवतमाळ, मा.खंडेराव धरणे अपर पोलीस अधीक्षक यवतमाळ, मा. संजय पुज्जलवार उप वि.पो.अ.वणी यांचे मार्गदर्शनात पो.नि./वैभव जाधव, पोउनि/ गोपाल जाधव, पोहवा / सुदर्शन वानोळे, पोना/ सुनिल खंडागळे, सुधीर पांडे, रत्नपाल मोहाडे, पोकों/ पंकज उंबरकर, दिपक वांड्रसवार यांनी केली.