लखीमपूर खिरी प्रकरणी वणी कॉंग्रेस तर्फे योगी सरकारचा जाहीर निषेध

लखीमपूर खिरी प्रकरणी वणी कॉंग्रेस तर्फे योगी सरकारचा जाहीर निषेध

वणी: उत्तर प्रदेश मध्ये लखीमपुर खीरी या ठिकाणी शेतकऱ्यांचा नरसंहार केल्याप्रकरणी तसेच प्रियंका गांधी यांना अटक केल्याप्रकरणी आज दि.६ ऑक्टोंबर ला वणी शहर काँग्रेस,तालुका कॉंग्रेस, सेवादल व युवक कॉंग्रेसच्या वतिने योगी सरकारचा जाहीर निषेध करत येथिल उपविभागीय अधिकारी यांच्या मार्फत महामहिम राष्ट्रपती यांना देण्यात आले.

उत्तर प्रदेशातील लखीमपुर खीरी येथे शेतकऱ्यांचे आंदोलन सुरु असतांना शेतकऱ्यांना गाडीखाली चिरडुन नरसंहार करण्यात आला. देशातील शेतकऱ्यांना उद्धवस्त करण्याचे धोरणच भाजपा सरकारने आखले असून शेतकरी संपविण्याचे पाप हे सरकार करीत आहे. तसेच काँग्रेस नेत्या सरचिटणीस प्रियंका गांधी लखीमपूर खीरी येथील पिडीत शेतकरी कुटुंबाला भेटण्यासाठी जात असतांना त्यांची अडवणूक केली. त्यांच्याशी पोलीसांनी गैरवर्तन केले आणि बेकायदेशीर अटक केली.

भारतात लोकशाही असतांना हुकुमशाही करणारे उत्तर प्रदेश मधील योगी सरकार बरखास्त करण्यात यावे तसेच लखीमपुर खीरी गावात हिंसाचार करणाऱ्यांची चौकशी करून कठोर शासन करण्यात यावे, अशा मागणीसह या घटनेचा वणी शहर काँग्रेस, तालुका काँग्रेस, सेवादल काँग्रेस युवक काँग्रेसद्वारे जाहीर निषेध करण्यात आला.

यावेळी तालुका काँग्रेस अध्यक्ष प्रमोद वासेकर, राजाभाऊ पाथ्रडकर, कॉंग्रेस शहराध्यक्ष  प्रमोद मिकुरे, संतोष पारखी, इजहार शेख, प्रमोद लोणारे, विकेश पानघाटे, सुधिर खंडाठकर यांच्यासह कॉंग्रेस कार्यकर्ते उपस्थित होते.