दिव्यांगाना विविध सवलती उपलब्ध करून द्या

वृक्षवल्ली दिव्यांग कल्याण बहूद्देशीय संस्थेच्या अध्यक्षा सौ.पदमा त्रिवेणी यांची मागणी

घुग्घुस (प्रतिनिधी): दिव्यांगाना विविध सवलती उपलब्ध करून देण्याची मागणी घुग्घुस वृक्षवल्ली दिव्यांग कल्याण बहूद्देशीय संस्थेच्या अध्यक्षा सौ. पदमा त्रिवेणी यांनी घुग्घुस नगर परिषदेच्या मुख्याधिकारी अर्शीया जुही यांना निवेदनातून केली आहे. चंद्रपूर जिल्ह्यातील राजस्व विभागाची मोकळी जागा दिव्यांग त्यांच्या विविध उपक्रमासाठी उपलब्ध करून देणे, दिव्यांगाना स्वस्त दरात घर उपलब्ध करून देणे, दिव्यांगाना शासकीय व निम शासकीय  रुग्णालयात मोफत उपचार उपलब्ध करून देणे, रेल्वे व बस मध्ये राखीव जागा उपलब्ध करून देणे अश्या अनेक विविध मागण्याचे निवेदन यावेळी देण्यात आले.

निवेदन देतांना घुग्घुस वृक्षवल्ली दिव्यांग कल्याण बहूद्देशीय संस्थेच्या अध्यक्षा सौ. पदमा त्रिवेणी,  सचिव नाझीमा कुरेशी, विवेक बोढे, सिनू इसारप, गोपाल ठाकरे, गणेश कामतवार, अलविना शेख, उपस्थित होते.