पूरग्रस्त शेतकर्याना व पुरपीडितांना तातळीने ५ लाखाची मदत करा

वंचित बहुजन आघाडीची मागणी; तहसीलदार मार्फत मुख्यमंत्र्यांना निवेदन

वणी: राज्यातील पुरपीडीत शेतकरी व शेतमजुरांना तातळीने प्रति कुटुंब सरकारने ५ लाखाची मदत करावी अश्या मागणीचे निवेदन वंचित बहुजन आघाडीच्या वतीने तहसीलदार यांचे मार्फत राज्याचे मुख्यमंत्री उद्धव ठाकरे यांचेकडे करण्यात आली आहे. नुकत्याच जुलै २०२१ मध्ये राज्यातील कोकण, व पश्चिम महाराष्ट्रात मोठ्या प्रमाणात पुराचा फटका बसला आहे. यात शेतपिके खरवडून जाणे, पिके वाहून जाणे, पुराच्या पाण्यात शेती पाण्याखाली येणे,तसेच दरड कोसळून गावेच्या गावे मालम्या खाली येणे, असे अनेक प्रकरणे नुकसान झाले आहे.

कोरोनामुळे अगोदरच शेतकऱ्यांची आर्थिक परिस्थिती दयनीय असून नैसर्गिक आपत्तीने सुद्धा शेतकऱ्यांवर मोठं संकट आणले आहे. अश्या बिकट परिस्थितीत शेतकर्याना सरकारनी खुल्या दिलाने मदत करून त्यांचे जीवनमान उंचवावे यासाठी सरकार कडून कोणतेही निकष न लावता सरसकट सर्वांना तातळीने आर्थिक मदत व रसद पुरवावी अश्या मागणीचे निवेदन देण्यात आले आहे.

यावेळी तालुकाध्यक्ष  दिलीप भोयर, जिल्हा उपाध्यक्ष मंगल तेलंग, जिल्हा सल्लागार ऍड. विप्लोव तेलतुंबडे,तालुकाउपाध्यक्ष नरेंद्र लोणारे शंकर रामटेके, अजय खोब्रागडे, सूरज दुर्गे, राजकुमार किनाके, रवी कांबळे, आदी मान्यवर उपस्थित होते.