आरोग्य विभागाच्या गलथान कारभारामुळे नुकसान झालेल्या विद्यार्थ्यांना आर्थिक मदत द्या - उमेश इंगळे

अकोला( प्रतिनिधी) : सार्वजनिक आरोग्य विभागात मोठ्या प्रमाणात पद भरती होणार होती त्यासाठी 25 सप्टेंबर व 26 सप्टेंबर या दिवशी विविध पदासाठी विविध ठिकाणी परीक्षा होणार होती त्यामुळे आरोग्य विभागाची परीक्षा देण्यासाठी विद्यार्थी आपापल्या परीने परीक्षा केंद्रावर पोहोचले बऱ्याच विद्यार्थ्यांना महाराष्ट्र राज्य बाहेरील परीक्षा केंद्रे देण्यात आली होती विद्यार्थी तिथपर्यंत जाऊन आलेत व त्यांना वेळेवरच आरोग्य विभागाची परीक्षा रद्द झाली हे सांगण्यात आले त्यामुळे त्यांना खूप मोठ्या प्रमाणात आर्थिक फटका बसला खूप मोठ्या प्रमाणात त्यांच्या आर्थिक नुकसान झाले म्हणून  विद्यार्थ्यांना आर्थिक नुकसान भरपाई देण्यात यावी अशी मागणी सामाजिक कार्यकर्ता तथा महाराष्ट्र राज्य रुग्णसेवक श्रमिक व कामगार संघटना अकोला जिल्हा उपाध्यक्ष उमेश सुरेशराव इंगळे यांनी जिल्हाधिकारी यांना दिलेल्या निवेदनाद्वारे केली आहे