प्रा.शुभम बुटले सेट परीक्षा उत्तीर्ण..

वणी : मूळ माळेगाव ता. आर्णि जि. यवतमाळ येथील रहिवासी प्रा. शुभम बुटले यांनी  पुणे विद्यापीठाची मराठी विषयात सेट परीक्षा उत्तीर्ण केली आहे .यापूर्वी त्यांनी  दिल्ली येथील यू.जी.सी. ची नेट परीक्षा उत्तीर्ण केलेली आहे .सध्या शुभम हा तासिका तत्वावर गोंडवाना विद्यापीठात प्राध्यापक पदावर कार्यरत आहे. यासोबतच तो पुणे विद्यापीठात "आ. ह. साळुंखे. यांची गौतम बुद्ध आणि संत तुकारामविषयक मीमांसा" हां विषय घेऊन पी.एचडी. चे संशोधन कार्य नामवंत विचारवंत  आणि पुणे विद्यापीठाचे माजी अधिष्ठाता डॉ. मनोहर जाधव यांच्या मार्गदर्शनात करत आहे. सामाजिक कार्यकर्ते गजानन बुटले यांचा तो मुलगा असून तो शेतकरी कुटुंबातील पार्श्वभूमी असलेला आहे. ग्रामीण भागातील विद्यार्थ्यांचा तो आज आदर्श ठरला आहे. अवघ्या चोवीस वर्षात शुभम यानी दोन परीक्षेत हे घवघवित यश मिळविल्याने त्याचे सर्व स्थरातून कौतुक होत आहे. आपल्या यशाचे श्रेय तो काका मराठी विभाग प्रमुख प्रा किशोर बुटले आणि डॉ मनोहर जाधव सर यांना देतो.