नृसिंह व्यायाम शाळेच्या अध्यक्षपदी प्रमोद इंगोले यांची निवड..

वणी:-  येथील नृसिंह व्यायाम शाळेचे अध्यक्ष बाबाभाऊ उर्फ पुरुषोत्तम कुलदिवार व संचालक रामदास ठेंगणे यांचे नुकतेच निधन झाल्याने संस्थेच्या दोन जागा रिक्त झाल्यामुळे दिनांक 14 जून 2021 रोज सोमवारला नृसिंह व्यायाम शाळेच्या सभागृहात दोन जागांसाठी निवडणूक घेण्यात आली.   याप्रसंगी संचालक मंडळाच्या कार्यकारिणी सभेचे अध्यक्षस्थानी संस्थेचे जेष्ठ संचालक पांडुरंग ताटेवार हे होते. यावेळी स्वर्गीय बाबाभाऊ कुलदिवार व रामदास ठेंगणे या दोन संचालकांच्या  प्रतिमेला हारार्पण करून श्रद्धांजली अर्पण करण्यात आली.  त्यानंतर संचालक मंडळाच्या सभेत रिक्त असलेल्या दोन संचालकांची निवड करून रिक्त असलेल्या अध्यक्षपदाची निवड करण्यात आली यावेळी अध्यक्षपदाच्या निवडणुकीत प्रमोद इंगोले व बाबूलाल पोटदुखे यांचे नाव सुचविण्यात आले त्यामुळे संचालकांनी चिठ्या टाकून अध्यक्षची निवड केली यावेळी प्रमोद इंगोले याना 12 मते मिळाली तर बाबूलाल पोटदुखे याना 3 मते मिळाली असून सर्वानुमते प्रमोद इंगोले यांची नृसिंह व्यायाम शाळेच्या अध्यक्षपदी निवड करण्यात आली आहे. यावेळी संस्थेचे संचालक  प्रमोद इंगोले, अनिल मुजगेवार, बाबूलाल पोटदुखे, पुरुषोत्तम आक्केवार, रमेश उगले, रमेश शर्मा, नागो नलभीमवार, शेख शब्बीर उर्फ लड्डू भाई, सुनील मुजगेवार, सुनील आक्केवार, दत्ता मुजगेवार, पांडुरंग ताटेवार, दिलीप येमुलवार, महंमद जाफर , पुरुषोत्तम ठेंगणे, बंडू खिरेकार, दादा राऊत, दशरथ बावणे, उपस्थित होते त्यांच्या या निवडीमुळे सर्वत्र अभिनंदन होत आहे  यावेळी उपस्थितांचे आभार संस्थेचे कार्यकारी उपाध्यक्ष अनिल मुजगेवार यांनी मानले.