घुग्घुस लॉयड्स मेटल संघर्ष कामगार संघटने मुळे प्रदूषण व सुरक्षा संबंधी कामे पूर्ण

घुग्घुस काँग्रेसच्या प्रभारी अध्यक्षांची फक्त चमकोगिरी -अशपाक शेख

घुग्घुस (प्रतिनिधी): काही महिन्यापूर्वी घुग्घुस येथील लॉयड्स मेटल अँड एनर्जी लिमिटेड कंपनी जवळ नवीन प्रकल्पासाठी जनसुनावणी झाली होती. या जनसुनावणीत घुग्घुस लॉयड्स मेटल संघर्ष कामगार संघटना उपाध्यक्ष व कामगार नेते अशपाक शेख यांनी लॉयड्स मेटल कंपनीच्या प्रदूषण व सुरक्षा संबंधीचे मुद्दे उचलून धरले होते ते आता पूर्ण होतांना दिसत आहे.

सध्या कंपनीत एक महिन्याचे शटडाऊन चालू आहे त्यामध्ये प्रदूषण व सुरक्षा संबंधीचे कामे झपाट्याने पूर्ण होत आहे आणि दुसरीकडे घुग्घुस काँग्रेसचे प्रभारी अध्यक्ष स्वतःचे नाव चमकविण्यासाठी चमकोगिरी करत आहे आणि नगर परिषदेच्या निवडणुका जवळ येत आहे म्हणून लॉयड्स मेटल कंपनीत शट डाऊन सुरु असतांना आंदोलनाचा फंडा आजमावत आहे. माझ्या माहितीनुसार पालकमंत्री विजय वडेट्टीवार यांनी महाराष्ट्र प्रदूषण नियंत्रण मंडळाच्या अधिकाऱ्यांसोबत चर्चा करून प्रदूषण कमी करण्यासाठी पाऊल उचलले आहे.

तरीही आमचा हा घुग्घुस काँग्रेसचा प्रभारी अध्यक्ष जिल्हा काँग्रेस कमेटीला विना सांगता काहीही काम करत असतो असा आरोप कामगार नेते व घुग्घुस लॉयड्स मेटल संघर्ष कामगार संघटना उपाध्यक्ष अशपाक शेख यांनी केला आहे.
देवानंद ठाकरे घुग्घुस प्रतिनिधि,