दुचाकीने अवैधरित्या दारू वाहतूक करणारा तरुण पोलिसांच्या ताब्यात..!

मुकुटबन पोलिसांनी केली कारवाई

आशिष साबरे (यवतमाळ जिल्हा प्रतिनिधी) झरी : मुकुटबन पोलीस स्टेशन अंतर्गत येणाऱ्या कोसारा येथे दारू विक्रीच्या उदेशाने अवैधरित्या देशी दारुची वाहतूक करणाऱ्या तरुणाला मुकुटबन पोलिसांनी पकडून ९० एमएल च्या ५० बाटली व पल्सर कंपनीची दुचाकी पकडून जप्त करण्यात आली आहे. 

     ८ नोव्हेंबर रोज ठाणेदार अजीत जाधव यांना मोबाईल द्वारे गोपनीय माहिती मिळाली की शिंधिवाढोना ते कोसारा मार्गाने अवैधरित्या दारूची वाहतूक केल्या जात आहे .माहितीवरून ठाणेदार यांनी गस्त करीत असलेले महिला शिपाई रंजना सोयाम व संजय खांडेकर यांना फोनद्वारे वरील मार्गावर दुचाकीने अवैध दारूची वाहतूक होत आहे व त्याला पकडण्याचे आदेश दिले. 

दोन्ही कर्मचाऱ्यांनी थोडाही विलंब न करता सिंधिवाढोना ते कोसारा मार्गावरून येणाऱ्या पल्सर दुचाकीला पकडून झडती घेतली असता ९० मिलीच्या ५० बाटल्या बॅच नं २८ आक्टोबर २१ उल्लेख असलेले किंमत १५००  व दुचाकी क्रं एम एच २९, AA- ३३४७ किंमत ४० हजार असा एकूण ४१ हजार ५०० चा मुद्देमाल जप्त करून पोलीस स्टेशनला आणला.
आरोपी गणराज सूर्यकांत पोटे (वय २१)  वर्ष याला अटक करून कलम ६५ ई मुंबई पोलिस दारूबंदी कायद्याअंतर्गत गुन्हा दाखल करण्यात आला.पुढील तपास पोलीस उपनिरीक्षक मुकुंद कवाडे यांच्या मार्गदर्शनाखाली रंजना सोयाम व संजय खांडेकर करीत आहे