पतंजली योग समिती ब्रम्हपुरी तर्फे वृक्षारोपण व जडीबुटी वितरण

पतंजली योग समिती ब्रम्हपुरी तर्फे वृक्षारोपण व जडीबुटी वितरण

ब्रम्हपुरी: संपूर्ण जगाने मागील दोन वर्षापासून कोविड महामारीची दाहकता अनुभवलेली आहे.भौतिक साधनसंपत्तीपेक्षा आरोग्य हिच खरी संपत्ती हे सर्वांना ठासून कळलं आहे. 'आजाराला प्रतिबंध हाच खरा उपचार' व आजार झाल्यास शक्यतोवर स्वदेशी आयुर्वेदोपचार' या तत्वाला अनुसरून पतंजलि योग समिती, भारत स्वाभिमान,  युवा भारत,  पतंजलि किसान सेवा  समिती ,  महिला पतंजलि योग समिती ब्रम्हपुरी चे वतिने स्वामी विवेकानंद योग केंद्र,शाहु नगर ब्रम्हपुरी येथे जडीबुटी सप्ताह चे औचित्य साधून विविध आजारांपासून मुक्ती मिळविणे  , पर्यावरण  संतुलित राहण्यासाठी , रोग प्रतिकारक शक्ती वाढविण्याच्या हेतूने वृक्षारोपण व जडीबुटीचे वितरण करण्यात आले.

वृक्षारोपण व जडीबुटीचे वितरण प्रसंगी भगवान पालकर जिला प्रभारी पतंजलि योग समिती, हरिश्चंद्र टिकले तहसिल प्रभारी, पतंजलि किसान सेवा समिती,  नरेश ठक्कर तहसिल प्रभारी पतंजलि योग समिती,  भगवान कन्नाके.तहसिल प्रभारी भारत स्वाभिमान, प्रमोद गजपुरे सेवानिवृत्त गटशिक्षणाधिकारी ,माणिक खुणे विस्तार अधिकारी प्रामुख्याने उपस्थित होते.

जडीबुटी वितरण तथा वृक्षारोपण कार्यक्रम यशस्वी  करण्यासाठी यशवंत तलमले सर, पुरुषोत्तम बांगरे सर, रामकृष्ण चौधरी सर, विजय मोहुर्ले सर, घनशाम बोदे सर, दिलीप राजूरकर सर, सुनिल गयगये सर, मानापुरे यांनी विशेष  परिश्रम घेतले. मानवकल्याणाच्या व समाजहिताच्या दृष्टिने अशा उपक्रमांसाठी समाजातील अनेक घटकांनी पुढाकार घ्यावा. असे पतंजली परिवार ब्रम्हपुरी तर्फे आवाहन करण्यात आले.