शहरातील विकास कामात लोकप्रतिनिधी व त्यांचे आप्तेष्टचं ठेकेदार...!

शहरातील विकास कामात लोकप्रतिनिधी व त्यांचे आप्तेष्टचं ठेकेदार...!

क्रिष्णा वैद्य (ब्रम्हपुरी):  ब्रह्मपुरी शहराला शैक्षणिक, संस्कृतीक व आरोग्य नगरी म्हणून जिल्ह्यात मोठा मान आहे. ब्रह्मपुरी तालुक्याच्या सभोवताल असलेल्या बहुतांश नागरिकांनी ब्रह्मपुरी मध्ये स्वतःचे राहते घर असावे व अशा सुंदर शहरांमध्ये आपले वास्तव असावे असे स्वप्न बघतात. त्यामुळे शहराची लोकसंख्या झपाट्याने वाढली यामुळे सद्यस्थितीत नगर परिषद स्थायिक संस्था असलेल्या शहर जिल्हा होण्यासाठी सज्ज झाल्याचे दिसत आहे मात्र हे सर्व घडत असताना स्थानिक नगरपरिषद मध्ये प्रभागातून निवडून जाणारे बहुतांशी लोकप्रतिनिधी हे प्रभागातील विकास काम सोडून बांधकाम क्षेत्राशी जवळीकता साधक नगर परिषद अंतर्गत येणाऱ्या बांधकामाचे कंत्राट मिळवण्यासाठी स्वतः व आपल्या आप्तेष्ठानमार्फत भयंकर अशा स्पर्धेत गुंतले असून ठेकेदारी च्या माध्यमातून स्वतःचा विकास करण्यास पुढे-पुढे होत असल्याचे ब्रह्मपुरी नगर परिषद मध्ये बघायला मिळत आहे.

नगरपरिषद ब्रम्हपुरी मधील सत्तापक्ष व विरोधीपक्षातील अनेक नगरसेवक व त्यांचे आप्तेष्ठचं छुप्यामार्गाने नगरपरिषद चे खास ठेकेदार झाले असून ब्रम्हपुरी नगरपरिषद मध्ये होणाऱ्या प्रत्येक विकासकामाचा ठेका आता न प लोकप्रतिनिधी च्या दावणीला बांधला जातं असल्याचे दिसत आहे. शहरातील विकास कामाचा ठेका ईतर दुसऱ्या ठेकेदाराने घेतल्यास मर्जीतील लोकांना कंत्राट मिळाले नाही म्हणून लोकप्रतिनिधी या नात्याने  "इगो हर्ट"  होतं असल्याने संबंधित कंत्राटदाराला अमाप अडथळे निर्माण करण्याचा सिस्टम नगरपरिषद ब्रम्हपुरी येथे बघायला मिळत आहे.