जिल्हा सामान्य रुग्णालयात होत आहे गरीब रुग्णांची खाजगी रक्त तपासणी केंद्रातून लूट.

रुग्णांकडून चंद्रपूर जिल्हाधिकारी यांना तक्रार

चंद्रपूर (जिल्हा प्रतिनिधी):- रक्त तपासणी जिल्हा सामान्य रुग्णालयात होत असतांना रुग्णांना खाजगी रक्त तपासणी केंद्रातून रक्त तपासणी साठी पाठविल्याची तक्रार जिल्हाधिकारी यांच्याकडे देऊन सुद्धा यावर जिल्हा प्रशासन गफ्फ का असा सवाल आता सर्वसामान्य नागरिक विचारू पाहत आहे. मागील दोन वर्षांपासून खाजगी रक्त तपासणी केंद्राशी जिल्हा सामान्य रुग्णालयातील वैद्यकीय अधिकारी हात मिळवणी करून  गरीब रुग्णांना रक्त तपासणीसाठी खाजगी रक्त तपासणी केंद्रात पाठवीत असल्याची तक्रार जिल्हाधिकारी यांच्याकडे करून सुद्धा या वैद्यकीय अधिकारी यांच्या विरोधात प्रशासन मोन असल्याचे चित्र या शासकीय वैद्यकीय महाविद्यालयात दिसून येत आहेत .

ग्रामीण व शहरी भागातून काही गरीब व गरजू रुग्ण पैशाचा अभावी व कोरोना काळात बेरोजगारी मुळे आपले उपचार करण्यासाठी येत असतात त्या गरीब गरजू रुग्णांच्या मजबुरीच्या फायदा घेत काही लाच खोर अधिकारी तथा खाजगी दलाल यांना खाजगी रक्त तपासणी केंद्रात रक्त तपासणी करण्यासाठी जोर जबरदस्ती करत असतात  त्यामुळे या रुग्णांना आपल्या आरोग्यासाठी जादा पैसे मोजून खाजगी रक्त तपासणी केंद्राकडे नाइलाजाने जावे लागत असतात त्यामुळे यावरती मा.जिल्हाधिकारी साहेबांनी जातीने लक्ष देऊन अशा भ्रष्ट अधिकारी व एजन्ट वरती कार्यवाही करने काळाची गरज असल्याचे काही समाजसेवक तथा नागरिक मानत आहेत.