लक्षणीय यशासाठी संयम अनिवार्य - महेश देशपांडे

लक्षणीय यशासाठी संयम अनिवार्य - महेश देशपांडे

वणी: आज आपल्या या हितगुजासाठी गरुड भरारी असा शब्द वापरला आहे. जपानी भाषेत गरुड अर्थात उंच उडणारे पक्षी कधी आपली नखे दाखवत नाहीत, अशा अर्थाची म्हण आहे. अर्थात कोणालाही न टोचता आक्रमण न करता संयम पाळत आपल्या पंखांच्या शक्तीचा उपयोग करीत ते उंच भरारी घेतात. आयुष्यात सर्वोच्च यश संपादन करायचे असेल तर असा संयम आवश्यक आहे.

केवळ आपल्यातील कमतरताच नव्हे तर आपल्यातील गुणांचे सुद्धा वारंवार प्रगटीकरण करण्याची आवश्यकता नाही. मग यश तुमचेच आहे." असे अत्यंत प्रेरणादायी विचार नोझोमी इन्फोटेक या जपानच्या प्रथितयश कंपनीचे सर्वेसर्वा श्री महेश देशपांडे यांनी व्यक्त केले.

शिक्षण प्रसारक मंडळ संचालित लोकमान्य टिळक महाविद्यालयात आयोजित याकार्यक्रमाच्या अध्यक्षस्थान संस्थेचे सचिव एड. लक्ष्मण भेदी यांनी भूषविलेकार्यक्रमाचे प्रास्ताविकमहाविद्यालयाचे प्राचार्य डॉ. प्रसाद खानझोडे यांनी केले
अध्यक्षीय मनोगतामध्ये एड. लक्ष्मण भेदी यांनी वाक्त्यांचे असलेले घरगुती संबंध आठवत अशा उपक्रमातून विद्यार्थ्यांना प्रेरणा घेण्याचे आवाहन केले.

कार्यक्रमाचे सूत्रसंचालन उपक्रमाचे संयोजक डॉ. अभिजित अणे यांनी तर आभार प्रदर्शन डॉ स्वानंद पुंड यांनी केले.  कार्यक्रमाची तांत्रिक बाजू डॉ गुलशन कुथे, डॉ. परेश पटेल आणि पंकज सोनटक्के यांनी सांभाळली.