जनता विद्यालय वणी येथे पालक-शिक्षक सभा संपन्न..!

शाळा सुरू करण्याच्या धर्तीवर घेतली होती सभा

आशिष साबरे (यवतमाळ जिल्हा प्रतिनिधी): 2 ऑक्टोबर 2021 ला स्थानिक जनता विद्यालय वणी येथे पालक -शिक्षक सभा आयोजित करण्यात आली होती .या सभेमध्ये शासन निर्देशित परिपत्रकानुसार येत्या 4 ऑक्टोबरला शाळा सुरू करणे या विषयावरती पालक आणि शिक्षक यांचा संवाद आणि विद्यार्थ्यांना शाळेत पाठवण्याची अनुमती पालकांनी या सभेमध्ये दिली 18 महिन्यानंतर शाळा ही पूर्ववत सुरू होणार.याचा आनंद पालक आणि शिक्षकात दिसून आला .या सभेत मुख्याध्यापक श्री .गणेश खंडाळकर यांनी पालकांना कोविड 19  या रोगापासून बचाव करण्यासाठी सूचना दिल्या .तसेच पालक प्रतिनिधी श्री. नासरे सर यांनी सुद्धा पालकाना विद्यार्थी कोविड  19 या संसर्गजन्य रोगाविषयी काही नियमावली सांगितली. सभा ही खेळीमेळीच्या वातावरणात  पार पडली.

या सभेला पालक श्री.चंदू परेकर ,श्री. लोडे सर ,श्री जनार्दन थेटे, श्री.कैलास डुकरे,श्री.राजू शेंडे यांनी आपले मनोगत व्यक्त केले .बहुसंख्येने पालक उपस्थित होते या सभेचे सूत्रसंचालन श्री गजेंद्र काकडे यांनी केले व आभार श्री ज्ञानेश्वर बोबडे यांनी मानले. या सभेला सर्व शिक्षक शिक्षकेतर कर्मचारी उपस्थित होते.