चंद्रपूर जिल्ह्यात पंचायत समिती ब्रह्मपुरी मनरेगा मध्ये अव्वल स्थानावर..

सभापती व संवर्ग विकासअधिकारी यांनी मनरेगा कर्मचाऱ्यांचे केले कौतुक

ब्रम्हपुरी  : महात्मा गांधी राष्ट्रीय ग्रामीण रोजगार हमी योजने अंतर्गत तालुक्यात ग्रामपंचायत स्तरावर मोठ्या प्रमाणात रोजगार निर्मिती करण्यात आलेली होती .तालुक्यात सन 2021-22 च्या सुरुवातीस covid-19 पार्श्वभूमीवर संपूर्ण राज्यभर लाकडावून असताना मजुरांच्या हाताला काम देऊन रोजगाराची संधी उपलब्ध करून दिली होती तसेच पुढील काळात कोरोनाचा संसर्ग वाढू नये यासाठी मनरेगाच्या प्रत्येक कामावर  covid-19 आणि Rt-pcr शिबिरही घेण्यात आले. 

दुष्काळातील मनुष्यबळ हाताळणारी एक उपाययोजना म्हणून महाराष्ट्रात रोजगार हमी योजना सुरुवात करण्यात आली त्यानुसार "मागेल त्याला रोजगार" या आधारे जाबकार्डधारकांना जे काम देण्यात आले  होते यामध्ये जलसिंचन जमीन सुधारणा, जलसंधारण पाणी साठा  नूतनीकरण, पांदणरस्ते , वैयक्तिक स्वरूपाची कामे लाकडाऊन मध्ये बऱ्याच ठिकाणी कामाची मागणी करण्यात आली होती, त्यानुसार तालुक्यात आत्तापर्यंत 3.38 लक्ष मनुष्य दिवस निर्मिती करून 519 . 54 लाख रुपये खर्च करून चंद्रपूर जिल्ह्यात ब्रह्मपुरी पंचायत समिती अव्वलस्थानी आलेली आहे .

आजच्या लाक्डाऊनच्या काळात ग्रामीण मजुरांच्या हाताला गावातच काम मनरेगा अंतर्गत उपलब्ध करून दिल्याने व केलेल्या कामाची मजुरी पंधरा दिवसाचे आत मजुरांच्या बँक खात्यात जमा होत असल्याने तालुक्यातील सर्व मजूरवर्ग समाधानी असल्याचे दिसून आले, पंचायत समितीचा मनरेगा विभाग  पंचायत समिती ब्रह्मपुरीचे सभापती प्रा. रामलाल महादेव दोनाडकर  आणि संवर्ग विकास अधिकारी  डॉ.शिरीष रामटेके  यांच्या मार्गदर्शनाखाली जिल्ह्यामध्ये  उत्कृष्ट काम करून  पंचायत समितीचा नावलौकिक वाढविला  याबद्दल  सभापती प्रा. रामलाल महादेव  दोनाडकर आणि  संवर्ग विकास अधिकारी डॉ.शिरीष रामटेके यांनी  मनरेगा विभागाने घेतलेल्या परिश्रमाचे मनापासून कौतुक केलेले आहे.