ओबीसी जातनिहाय जनगणना, स्पर्धापरीक्षा मार्गदर्शन, व करीअर गाईडन्स कार्यशाळेत वऱ्हाडी फेम प्रा नितेश कराळे सर तसेच उमेश कोर्राम यांनी केले मौलिक मार्गदर्शन..!

ओबीसी (व्हिजे, एनटी, एसबीसी) जातनिहाय जनगणना कृती समिती वणी-मारेगाव-झरी द्वारे केले होते कार्यक्रमाचे आयोजन.

आशिष साबरे (यवतमाळ जिल्हा प्रतिनिधी) :- आपल्या अस्सल वऱ्हाडी भाषेतून विद्यार्थ्यांना स्पर्धा परिक्षा, करिअर गाईडन्स व अन्य विषयावर अभ्यासपूर्ण मार्गदर्शन करणारे तसेच केंद्रसरकार असो वा राज्य सरकार यांच्या चुकीच्या धोरणावर थेट टीका करणारे, शेतकरी, विद्यार्थी व सामान्य नागरिकांचा प्रश्न अगदी रोखठोक सरकार समोर मांडणारे व नेहमी महाराष्ट्रातील आपत्कालीन परिस्थितीत मदतीसाठी धावून जाणारे  प्रा.नितेश कराळे सर, संचालक-फिनिक्स अकॅडमी, वर्धा आणि सोबतच उमेश कोर्राम, अध्यक्ष-स्टुडंट राईट असोसिएशन ऑफ इंडिया,नवी दिल्ली यांच्या मार्गदर्शनाने वणी परिसरातील स्पर्धा परीक्षेची तैयारी करणाऱ्या विद्यार्थ्यांना एक नवी उभारी मिळाली आहे तसेच ओबीसी जातनिहाय जनगणनेच्या मुद्यावरून क्रांतीची मशाल पेटविण्यासाठी तसेच ओबीसी जनगणना केंद्र सरकारच्या माध्यमातून करून घेण्यासाठी वातावरण निर्मिती कराळे सरांच्या वैचारिक मार्गदर्शनाने झाली. आज  रविवार दि.10 ऑक्टोंबर ला शेतकरी मंदिर,वणी येथे दुपारी १ वाजता ओबीसी जातनिहाय जनगणना , स्पर्धा परिक्षा व करिअर गाईडन्स कार्यशाळेचे आयोजन ओबीसी (व्हिजे, एनटी, एसबीसी) जातनिहाय जनगणना कृती समिती वणी-मारेगाव-झरी,जि. यवतमाळ द्वारे करण्यात आले होते. या कार्यक्रमाचे अध्यक्ष म्हणून मा प्रदीप बोनगीरवार (अध्यक्ष-ओबीसी (व्हिजे, एनटी, एसबीसी) जातनिहाय जनगणना कृती समिती वणी-मारेगाव-झरी)हे मंचावर उपस्थित होते.

प्रमुख मार्गदर्शक आणि कार्यक्रमाचे विशेष आकर्षण मा प्रा नितेश कराळे सर व उमेश कोर्राम सर उपस्थित होते.तसेच प्रमुख पाहुणे म्हणून मा ऍड. देवीदासजी काळे (अध्यक्ष- दि वसंत जिनिंग अँड प्रेसिंग फॅक्टरी वणी) , मा प्रा बाळकृष्णजी राजूरकर (अध्यक्ष- क्रांतीज्योती सावित्रीबाई फुले सार्वजनिक वाचनालय वणी), मा पांडुरंगजी पंडिले सर (अध्यक्ष- वाघोबा खंडोबा देवस्थान वणी तथा समन्वयक- ओबीसी जातनिहाय कृती समिती), बाबाराव ढवस (समन्वयक- ओबीसी जातनिहाय कृती समिती), मा रहीमभाई शेख (समन्वयक- ओबीसी जातनिहाय कृती समिती), मा सौ सविताताई रासेकर (समन्वयीका- ओबीसी जातनिहाय कृती समिती), मा सौ मायाताई आसुटकर ( मुख्याध्यापिका- अपंग निवासी कर्मशाळा वणी) , मा संजयभाऊ खाडे ( अध्यक्ष- न्यू रंगनाथ स्वामी   अर्बन पतसंस्था वणी) , मा मोहन हरडे सर (निमंत्रक- ओबीसी जातनिहाय कृती समिती वणी), तसेच सत्कारमूर्ती मा प्रा डॉ राम मुडे सर (समन्वयक- ओबीसी जातनिहाय कृती समिती) मंचावर उपस्थित होते. कार्यक्रमाची सुरुवात महामानवांच्या प्रतिमेला पाहुण्यांच्या हस्ते माल्यार्पण व दीपप्रज्वलन करून करण्यात आली होती. या कार्यशाळेसाठी शेतकरी मंदिर चा हॉल संपूर्णपणे विद्यार्थ्यांच्या अलोट गर्दीने भरलेला होता.मोठ्या प्रमाणात विद्यार्थी वर्ग,पालक वर्ग या कार्यशाळेला उपस्थित होता हे आजच्या कार्यशाळेचे एक विशेष वैशिष्ट्य होते. मा कराळे सर यांनी आपल्या अस्सल वऱ्हाडी भाषेत ओबीसी जातनिहाय जनगणना आणि स्पर्धा परीक्षा या विषयावर मार्गदर्शन करून सर्व श्रोतेगणांना मंत्रमुग्ध केले. तत्पूर्वी मा उमेश  कोर्राम सर यांनी विद्यार्थ्यांना शिक्षण क्षेत्रातील वेगवेगळ्या योजनेविषयी मार्गदर्शन केले. या कार्यशाळेत मा प्रा डॉ राम मुडे यांना नुकतीच आचार्य पदवी मिळाल्यामुळे त्यांचा पाहुण्यांच्या हस्ते सत्कार सुद्धा करण्यात आला होता. कार्यक्रमाचे सूत्रसंचालन मा प्रदीप बोरकुटे सर यांनी केले तर प्रास्ताविक मा वैभव ठाकरे सर व आभार प्रदर्शन मा आनंद बन्सोड सरांनी केले.