भद्रावती तालुक्यात जातनिहाय जनगणनेच्या मागणीसाठी ओबीसी समाजाची बाईक रॅली व प्रबोधनात्मक परिषदेचे आयोजन.

भद्रावती (तालुका प्रतिनिधी ) :  २०२१ मध्ये संपूर्ण ओबीसी समाजाची जातनिहाय जनगणना करण्यात यावी. या प्रमुख मागणांसाठी येत्या २६ नोव्हेंबर रोजी संविधान दिनी चंद्रपूर येथे ओबीसी समाजाच्या विशाल मोर्चाचे आयोजन करण्यात आले आहे. या मोर्चाचे औचित्य साधून दि. १५ नोव्हेंबर  २०२० रोज रविवारला भद्रावती तालुक्यात ओबीसी समाजाची  बाईक रॅली व दि. १७  नोव्हेंबर २०२० रोज मंगळवार ला प्रबोधनात्मक परिषदेचे आयोजन करण्यात आलेले आहे.
      ओबीसी  प्रबोधनात्मक परिषद व चंद्रपूर येथील मोर्चाची जनजागृती व्हावी ; या दृष्टिकोनातून दि. १५  नोव्हेंबर २०२० रोज रविवार ला तालुक्यात बाईक रॅलीचे आयोजन करण्यात आलेले आहे. तरी सर्व ओबीसी समाज बंधू आणि भगिनींना विनंती आहे की, आपल्या  स्वतःच्या बाईक मध्ये पेट्रोल टाकून, डोक्याला हेल्मेट लावून, तोंडाला मास्क बांधून आणि शक्य असल्यास पिवळ्या रंगाचे शर्ट किंवा टी शर्ट घालून सकाळी ८-०० वाजता  भद्रनाग मंदिराच्या पटांगणात एकत्र जमावे. भद्रनाग मंदिर जवळून रॅलीला सुरुवात होणार आहे. रॅली  भद्रनाग मंदिरापासून निघून मांगली -मासळ -चोरा- गुळगाव -विसापूर -वायगाव- चंदनखेडा -शेगाव खुर्द- बिजोनी -सागरा -पावना- डोंगरगाव -भटाळी -नंदोरी- विस्लोन -पळसगाव -कुचना- पाटाळा -माजरी- कोंढा- देऊळवाडा -विंजासन- ढोरवासा -पिपरी- कोची- घोनाड -मुरसा -साखरवाई- मार्गे घोडपेठ येथे रॅलीचा समारोप होतील.
             मंगळवार दि. १७ नोव्हेंबर २०२० रोजी १२ वा. भद्रावतीच्या अभिषेक मंगल कार्यालयात  जातनिहाय जनगणना "महत्त्व आणि  गरज " या विषयावर मार्गदर्शन होण्यासाठी प्रबोधनात्मक परिषद आयोजित केली आहे.