चंद्रपुरातील पैनगंगा खुल्या कोळसा खाणीत पीसी मशीन मध्ये दबून ऑपरेटर चा मृत्यू ..!

देवानंद ठाकरे (घुग्घुस प्रतिनिधि) :   चंद्रपुरातील पैनगंगा खुल्या कोळसा खाणीत पीसी मशीन मध्ये दबून ऑपरेटर चा मृत्यू  झाल्याची धक्कादायक घटना घडली आहे.दिनेश पटेल असे मृत कामगाराचे नाव आहे.मिळालेल्या माहितीनुसार वेकोलीच्या पैनगंगा खुल्या कोळसा खाणीत महालक्ष्मी या प्रायव्हेट कंपणीद्वारे  ओबी, कोळसा उत्खननाचे काम सुरू आहे. अशातच दिनेश पटेल हे कामगार शुक्रवारी रात्रपाळीत पीसी मशीनवर काम करत होते.त्यानंतर ते शौचास गेले असता त्यांच्या सोबत असलेल्या कामगाराने पीसी मशीन चालविण्याचा प्रयत्न केला असता दिनेश पटेल यांच्या अंगावर पीसी मशीन गेल्याने त्यांचा जागीच मृत्यू झाला. या घटनेची माहिती गडचांदूर पोलिसांना मिळताच भा,द,वी, 279,304,(अ) गुन्हा नोंद करुन, पोलिसांनी आरोपीला अटक केली आहे. पुढील तपास सुरू आहे.