विज पडुन एक व्यक्ती ठार..

गडचांदूर कोरपना महामार्गावर वृक्ष कोलमडले वाहतुक ठप्प, वारा वादळा सह मुसळधार पाऊस.  

मारोती डोंगे (कोरपना) : दोन चार दिवसानंतर आज कोरपना येथील काही भागात दमदार पाऊस पडला यात शेतावर काम करणारा शेत मजूर ठार झाला. तर राष्ट्रीय महामार्गावरील लोणी फाट्या नजीक मोठे वृक्ष कोलमडून पडल्याने गडचांदूर कोरपना महामार्गावरील वाहतूक ठप्प झाली होती. 

प्राप्त माहिती नुसार सोनुर्ली येथील पंढरी पडवेकर यांच्या पिपर्डा मार्गावरील शेतात शेतमजूर कवडु मोहूर्ले (36) हा शेतावर काम करायला गेला होता. सायंकाळी साडे चार वाजताच्या दरम्यान पावसाचा मौसम पाहून आपले काम आटोपून शेतमालकासह कवडु बैलबंडी घेवुन घराकडे परत निघाला. शेता बाहेर निघताच अचानक कवडु याच्यावर विज कोसळली यात  कवडु मोहूर्ले ठार झाला. परंतु अन्य एका बैलबंडी वर बसलेल्या व्यक्ती ला कोणतीच इजा झाली नाही. घटनेची माहिती मिळताच कोरपना पोलीसांनी घटनास्थळी पोहोचले. तर गडचांदूर कोरपना या राष्ट्रीय महामार्गावर एक मोठे वृक्ष वारावादळी पावसात कोसळले यात कोणाची जिवीत हानी झाली नाही परंतु या मार्गावरील लोणी फाटा ते वनसडी व लोणी ते देवघाट नाला अशी वाहतुक ठप्प पडली होती कोरपना येथील पोलीस पथकाने व उपस्थित नागरिकांनी वृक्षाची एक फांदी तोडुन दुचाकी वाहना करीता खुला करुन देण्यात आला तर वृत्त लीहे पर्यंत हा मार्ग अवजड वाहना करीता खुला व्हायचा होता.