आष्टी वैनगंगा नदी मध्ये बोदाची ट्रक कोसळून एक जखमी तर दोन ठार..

गोंडपीपरी (प्रतिनिधी ) : आष्टी वरून गोंडपीपरिकडे तेंदूपत्ता भरलेला ट्रक येत असताना आष्टी जवळील वैनगंगा नदी मध्ये ट्रक कोसळून एक जखमी तर दोन जागीच ठार झाले.   रविवारला पहाटे ३.०० वा. च्या सुमारास आष्टी कडून गोंडपीपरिकडे तेंदूपत्ता बोदाने भरलेला ट्रक हरमन ट्रान्सपोर्ट कंपनी बल्लारपूर मालकीचा ट्रक क्र. एम. एच. ३४ बी.जी. ६१११ या ट्रक चालकाचे नियंत्रण सुटून आष्टी वैनगंगा नदीच्या पुलावरून खाली नदीपात्रात कोसळला. यात ट्रक चालक नितीन बीके वय ३२ व क्लिनर कालू सतविंदरसिंह  सलुजा रा.किसाननगर ता.सावली हे दोघे जागीच ठार झाले, तर अजय कारेपणवार  वय ३० वर्ष हे जखमी झाले.

 या अपघाताची माहिती पोलीस स्टेशन आष्टी येथील पोलीस उपनिरीक्षक वैशाली कांबळे यांना मिळताच हे तात्काळ घटनास्थळी पोहोचून जखमी व्यक्तीला त्वरित ग्रामीण रुग्णालय आष्टी येथे भरती करण्यात आले. पुढील तपास पोलीस उपनिरीक्षक वैशाली कांबळे व त्यांची चमू करीत आहे