मराठा सेवा संघ,संभाजी ब्रिगेडचे एक दिवसीय धरणे आंदोलन..

 वणी (प्रतिनिधी) : स्थानिक स्वराज्य संस्थांमधील ओबीसींचे राजकीय आरक्षण, मागासवर्गीय कर्मचाऱ्यांचे पदोन्नतीमधील आरक्षण,ओबीसींची जातनिहाय जनगणना,बेसुमार महागाई,शेतमालाला हमीभाव, शेतीला ऊद्योगाचा दर्जा आणि रखडलेली केंद्र व राज्य सरकारची नोकरभरती आदी मागण्यांबाबत मराठा सेवा संघ,संभाजी ब्रिगेडच्या वतीने आज एक दिवसीय धरणे आंदोलन करण्यात आले.लोकराजे आणि सामाजिक न्यायाचे पुरस्कर्ते राजर्षी शाहु महाराज यांचा २६ जुन हा जयंतीदिन सर्वत्र सामाजिक न्यायदिन म्हणुन साजरा होत आहे.याच पर्वावर तहसिल परिसर,वणी येथे धरणे देण्यात आले.राष्ट्रमाता जिजाऊ आणि शाहु महाराज यांना अभिवादन करून या आंदोलनास सुरुवात झाली.दिवसभर चाललेल्या या धरणे आंदोलनास राजकीय व सामाजिक क्षेत्रातील अनेक मान्यवरांनी भेटी देऊन आंदोलनास पाठींबा दिला.

या प्रसंगी संभाजी ब्रिगेडचे जिल्हाध्यक्ष अजय धोबे, मराठा सेवा संघाचे तालुकाध्यक्ष अंबादास वागदरकर, संजय गोडे, दत्ता डोहे, प्रदीप बोरकुटे यांनी संबोधन केले. सुत्रसंचालन मसेसं सचिव नितीन मोवाडे यांनी केले. या धरणे आंदोलनात अंबादास वागदरकर, अजय धोबे, ऋषीकांत पेचे, भाऊसाहेब आसुटकार, अॅड. अमोल टोंगे, अॅड.शेखर वऱ्हाटे, भास्कर दुमोरे, व्ही.बी.टोंगे, दत्ता डोहे, नितीन मोवाडे, वसंत थेटे, संजय गोडे, नेताजी मोरे, भानुदास पिदुरकार, कृष्णदेव विधाते, मारोती मोडक, प्रदीप बोरकुटे यांचेसह असंख्य कार्यकर्ते सामील झाले होते. या आंदोलनानंतर तहसिलदार वणी यांच्या माध्यमातुन सरकार कडे पुढील पद्धतीचे मागण्यांचे निवेदन देण्यात आले.