बाळाला विकणाऱ्या सहा आरोपीस ऐक दिवसाची पोलीस कोठडी..!

वणी (प्रतिनिधी): बाळ दत्तकसाठी उपलब्ध आहे असा मेसेज यवतम जिल्ह्यात व्हायरल झाल्यापासून 36 तासात स्टिंग ऑपरेशन  करून 15 दिवसाच्या मुलीची विक्री करणाऱ्या टोळीस अटक करण्यात आली आहे विशेष म्हणजे बाल कल्याण समिती अध्यक्ष यांनी स्वतः डमी पालक बनून ही घटना पुढे आणली आहे. तसेच अकोला आणि यवतमाळ या दोन्ही जिल्ह्यांच्या बाल संरक्षण यंत्रणांनी योग्य समन्वय साधत आज संध्याकाळी बाळालाही ताब्यात घेतले आहे.व साहा आरोपीस अटक केली आहे

बुधवारी बेटी फाऊंडेशन संस्थेने 15 दिवसाचे बाळ दत्तक देण्यास उपलब्ध आहे असा संदेश सोशल मिडियावर व्हायरल केला. सदर मेसेज अकोला येथील बाल कल्याण समितीच्या अध्यक्षांनी वाचल्यावर त्यांनी व्हायरल मेसेजची खात्री करण्यासाठी डमी पालक सदर संस्थेला फोन केला. तसेच महिला व बालकल्याण आयुक्त यांना याबाबत माहिती दिली. त्यानंतर यवतमाळ व अकोला येथील बाल कल्याण समितीच्या अध्यक्षांनी आणि जिल्हा बाल संरक्षण अधिकारी यांनी स्टिंग ऑपरेशनची योजना आखली. जिल्हाधिकारी आणि पोलीस अधीक्षक यांच्या मार्गदर्शांआखाली डमी पालक म्हणून विक्री करणाऱ्या संस्थेला बाळ विकत घेण्याची योजना आखली.

गुरूवारी 30 सप्टेंबरला राञी ८ वाजता रंगनाथ नगर मध्ये अवैध बाळ दत्तक व विक्री करण्याची प्रक्रिया सुरू असताना, या 15 दिवसाच्या मुलीस प्रत्यक्ष स्टिंग ऑपरेशन करून अकोला व यवतमाळ जिल्ह्यातील बाल न्याय यंत्रणे द्वारे कारवाई करून ताब्यात घेण्यात आले. तसेच संबंधित बाळाचे आई- वडील, आणि यात सहभागी बेटी फाउंडेशनच्या सदस्यांना पोलिसांनी ताब्यात घेतले. तसेच बाळाला ताब्यात घेण्यात आले असून बालगृहात ठेवण्यात येणार आहे. जिल्हाधिकारी अमोल येडगे यांच्या मार्गदर्शनाखाली अकोल्याच्या बाल कल्याण समिती अध्यक्ष पल्लवी कुलकर्णी, दोन्ही जिल्ह्यातील बाल संरक्षण  यंत्रणा, पोलीस विभाग यांच्यामुळे हे स्टिंग ऑपरेशन यशस्वी झाले आहे.

 यातील आरोपी १) प्रीती कवडु दरेकर (२८) ,२) कवडु गजानन दरेकर( ३०) , ३) गौरी गजानन बोरकूटे (३५) ,४) मंगला किशोर राउत (४४) ,५) सुनिल महादेव डहाके (३५) ,६)पंचकुला सुनिल डहाके (२१)  सर्व आरोपी रंगनाथ नगर चे राहणारे असून या कडुन १७ हजार किमतीचे तीन मोबाईल जप्त केले आहे यातील साहा आरोपीने संगमत करून बालकाची खरेदी विक्री करने हा कायद्यानुसार गुन्हा असल्याचे माहिती  असुन सुद्धा आरोपी आथीक लाभ होण्याचे उदेशाने पंचासमोर पैसे स्वीकारल्याचे मान्य करून बाळाचा ताबा दिला  या वरून ३७० भादवी सह कलम बाल मुलाची काळजी व संरक्षण अधिनियम सन २०१५ कलम ८१,८७ अंतर्गत गुन्हा नोंदवून साहा वेक्तीना अटक केली असुन आज सर्व आरोपींना न्यायालयात उभे केले असता ऐक दिवसाची पोलीस कोठडी मिळाली आहे पुढील कारवाई वणी पोलीस करीत आहे