ओबीसी आरक्षण बचावार्थ एक दिवसीय धरणे आंदोलन

ओबीसी आरक्षण बचावार्थ एक दिवसीय धरणे आंदोलन

वणी:  दिनांक 26 जून राजर्षी शाहू महाराज जयंती निमित्य सामाजिक न्याय दिनाचे औचित्य साधून संभाजी ब्रिगेड, मराठा सेवा संघ व जिजाऊ ब्रिगेड यांच्या संयुक्त विद्यमाने वणी तहसील कार्यालयासमोर ओबीसी आरक्षणासंदर्भात विविध मागण्या घेऊन एक दिवसीय धरणे देण्यात येणार आहे. ओबीसीची जातिनिहाय जनगणना करण्यात यावी, स्थानिक स्वराज्य संस्थांतील ओबीसींचे रद्द केलेले आरक्षण पूर्ववत करण्यात यावे, ओबीसी शेतकऱ्यांना देण्यात येणाऱ्या अनुदानाच्या टक्केवारीत वाढ करण्यात यावी, ओबीसी विद्यार्थ्यांना शिष्यवृत्तीची रक्कम तात्काळ देण्यात यावी, 2011 मध्ये झालेल्या जनगणनेतील ओबीसींची आकडेवारी घोषित करण्यात यावी यासारख्या अनेक मागण्या घेऊन एकदिवसीय धरणे आंदोलनाचे आयोजन सकाळी 11ते  सायंकाळी 4 वाजेपर्यंत करण्यात आले असून या आंदोलनात सहभागी होण्याचे आवाहन संभाजी ब्रिगेडचे जिल्हाध्यक्ष अजय जी धोबे मराठा सेवा संघाचे तालुकाध्यक्ष अंबादासजी वागदरकर सर, जिजाउ ब्रिगेडच्या अध्यक्षा भारतीताई राजपूत व सर्व पदाधिकारी आणि कार्यकर्ते यांनी केले.