आद्यक्रांतिकारक राघोजी भांगरे यांच्या १७३ व्या बलिदाना निमीत्त

२  मे २०२१ आद्यक्रांतिकारक राघोजी भांगरे यांच्या१७३व्या बलिदाना निमीत्त

भारतीय वार्ता (प्रतिनिधी):   २  मे २०२१ आद्यक्रांतिकारक राघोजी भांगरे यांच्या१७३व्या बलिदाना निमीत्त महामिञ परिवार व आद्यक्रांतिकारक राघोजी भांगरे ब्रिगेड यांच्या वतीने सिन्नर  येथे आद्यक्रांतिकारक राघोजी भांगरे यांना अभिवादन करण्यात आले. या कार्यक्रमाची सुरूवात आद्यक्रांतिकारक राघोजी भांगरे व डॉ गोविंद गारे साहेब यांच्या प्रतिमेस पुष्पहार अर्पण करून करण्यात आली.
परकिय इंग्रज सत्ता उलथुन टाकण्याची पहिली सुरूवात कोणी केली असेल तर ती आद्यक्रांतिकारक राघोजी भांगरे यांनी केली. इंग्रजांच्या गुलामगिरीतुन मुुक्त करणारे,इंग्रजांना सळोकीपळो करून सोडणारे,जमिनदार सावकार यांच्या सावकारी पाशातुन गोरगरीब जनतेला मुक्त करणारे व सावकारांनी कर्जापोटी बळकावलेल्या जमिनी लोकांना परत मिळवुन देण्याचं काम आद्यक्रांतिकारक राघोजी भांगरे यांनी केले.तसेच,साता-याचे छञपती प्रतापराव भोसले यांना इंग्रजांनी पदावरून पायउतार केले होते.ते मिळविण्यासाठी छञपतींना राघोजींनी मदत केली.अशा महान क्रांतिवीरास इंग्रजांनी पकडून ठाणे येथे नेण्यात आले.त्यांच्यावर राजद्रोहाचा खटला भरला व एकतर्फी निकाल देऊन दोषी ठरविले गेले आणि २ मे १८४८ ला ठाणे सेंट्रल जेल येथे फाशी देण्यात आले. या महान महानायकास विनम्र अभिवादन !
तसेच, राघोजी अंगरक्षक क्रांतिवीर राया ठाकर यांना अभिवादन करण्यात आले. या कार्यक्रमास महामिञ दत्ता वायचळे, रामु इदे, विजय मुठे, संदिप मुठे उपस्थित होते.