विदर्भ राज्य आंदोलन समिती यांच्या वतीने २८ सप्टेंबर ला नागपूर करार जाळून क्रांती चौक राळेगाव येथे महाराष्ट्र सरकारचा केला निषेध तर स्वतंत्र विदर्भ राज्यासाठी केली निदर्शने.

प्रविन गायकवाड(राळेगाव तालुका प्रतिनिधी): विदर्भाला महाराष्ट्र राज्यात सामील करण्यास भाग पाडलेल्या 'नागपूर कराराची' होळि करुन विदर्भाचा सतत अन्याय करणाऱ्या, विदर्भाचे नेहमी शोषण करणाऱ्या महाराष्ट्र सरकारचा निषेध करण्यात आला तर स्वतंत्र विदर्भाच्या आवाज बुलंद करून केंद्र सरकारने त्वरित विदर्भ राज्याची निर्मिती करावी यासाठी निदर्शने व घोषणाबाजी करण्यात आली. या आंदोलनाला मोठ्या संख्येने कार्यकतें उपस्थित होते.

 २८ सप्टेंबर १९५३ साली विदर्भचे व उर्वरीत महाराष्ट्राचे काही काँग्रेस काँग्रेसचे नेते एकत्र येऊन त्यांनी एक नागपूर करार केला. विदर्भाला या नागपूर करारातील ११ कलमानुसार महाराष्ट्र राज्याच्या नौकरीमध्ये उच्च पदाच्या नोकऱ्यामध्ये, विकासाच्या निधीमध्ये, मंत्रीमंडळामध्ये, महामंडळामध्ये २३ टक्के वाटा देऊ असे कबूल करून विदर्भाला जबरदस्तीने महाराष्ट्र राज्यामध्ये सामील करून घेतले व तेव्हापासूनच विदर्भाचे शोषण सुरू केले. विदर्भ राज्यावर अन्याय सुरूच आहे.

विदर्भातील तरुणाला २३ टक्के नोकरी देण्याचे नागपूर करारामध्ये मान्य केले परंतु नोकऱ्या फक्त ७ टक्केच दिल्या, चार लाख नौकऱ्या पळविल्या म्हणून विदर्भात बेरोजगारांची फौज उभी आहे.७५ हजार कोटी सिंचनाचे,५० हजार कोटी रस्त्याचे पळविले म्हणून गोसीखुर्द सह १३१ धरणे अपूर्ण राहिले.

ज्या नागपूर कराराचे पालन केले नाही त्या नागपूर कराराची होळी आज राळेगाव येथे विदर्भ राज्य आंदोलन समितीचे वतीने करुन  वेगळ्या विदर्भाची मागणी करण्यात आली. यावेळी विदर्भ राज्य आंदोलन समितीचे ऊपाध्यक्ष राजेंद्रभाऊ झोटींग, राळेगाव विधानसभा प्रमुख होमदेवजी कन्नाके,करुनाताई वानखेडे, दिक्षाताई नगराळे, अक्षयजी महाजन, गोपालजी भोयर, गजाननजी पारखी, देवाजी बोबडे, भास्करजी पाटील, गजाननजी ठाकरे, विठ्ठलजी खोडें, गजाननजी कोल्हे, कैलासजी येरेकर, मनोजजी तामगाडगे, सुरेशजी आगलावे, इत्यादी कार्यकर्ते सहभागी झाले होते.