संभाजी ब्रिगेडच्या वतीने वरोरा तालुक्यातील मांगली (दे) येथिल शेतकरी महिलेला मदत.

वरोरा (प्रतिनिधी) : वरोरा तालुक्यातील मांगली (दे) येथिल सौ.जिजाबाई रामदास वांढरे या महिला शेतकरी यांच्या गोठ्याला आग लागल्यामुळे दोन लाख रुपयाचे नुकसान झाले होते. त्यामध्ये १ बैल,१ गाय,१ वासरु व पाईप,शेती उपयोगी वस्तुचे दोन लाख रुपयाचे नुकसान झाले. याविषयी माहिती मिळताच उपसरपंच नीलिमा इंगोले यांनी संभाजी ब्रिगेड चे जिल्हाध्यक्ष चंद्रशेखर झाडे यांच्याशी संपर्क साधला, त्यांनी लगेच चंद्रपूर येथेही नियमित सढळ हाताने मदत करणारे हितचिंतक यांना आवाहन केले, त्यांच्या आवाहनाला प्रतिसाद देत मदतनिधी जमा करण्यात आला. सदर शेतकरी महिलेला संभाजी ब्रिगेड जिल्हा चंद्रपूर व वरोरा तालुक्याच्या वतीने २५०००/- रुपयाची आर्थिक मदत पोहचविताना मांगली(दे) च्या उपसरपंच सौ.निलीमा उत्तम इंगोले, संभाजी ब्रिगेड चे जिल्हाध्यक्ष चंद्रशेखर झाडे , तालुकाध्यक्ष उत्तम इंगोले  व ग्रामस्थ उपस्थित होते.