ओबीसी नेते दिलीप भोयर यांनी पकडला वंचित बहुजन आघाडीचा झेंडा

श्रद्धेय बाळासाहेब आंबेडकर यांच्या उपस्थितीत नागपूर येथे प्रवेश

वणी: येथील सामाजिक कार्यकर्ते तथा ओबीसी सजमाजाचे लढवये नेते दिलीप भोयर यांनी आज ता. २२ डिसेंम्बर रोजी नागपूर येथीलआयोजित पूर्व विदर्भ विभागीय कार्यकर्ता शिबारात वंचित बहुजन आघाडीचे राष्ट्रीय अध्यक्ष ऍड. बाळासाहेब उर्फ प्रकाश आंबेडकर यांच्या प्रमुख उपस्थितीत वंचितांचा झेंडा दिलीप भोयर यांनी हाती घेतला. स्वातंत्र्याच्या ७२ वर्षात जे हक्क अधिकार ओबीसी समाजाला कोणत्याच राजकीय पक्षाने मिळवून दिले नसून ओबीसी समाजाच्या मौलिक अधिकाराची पाठराखण अद्याप पर्यंत केली नाही उलट ओबीसी समाजाला वंचित ठेवण्याचे षडयंत्र रचले आहे यात ओबीसी समाज गुरफडला आहे. आज समाजामध्ये बेरोजगारी, लाचारी , आणि शेतकरी आत्महत्या  वाढली आहे. यावर एकमेव पर्याय म्हणजे वंचित बहुजन आघाडी आहे. यामुळे ओबीसी समाजाला भविष्यात आपलं उज्वल भविष्याकडे वाटचाल  व्हावी  यासाठी आज ओबीसी समाजाचे चे नेते दिलीप भोयर यांनी वंचित बहुजन आघाडी या पक्षात जाहीर प्रवेश घेतला आहे. यांच्या प्रवेशामुळे वणी  विधानसभा क्षेत्रात वंचितांची चांगलीच ताकद मिळणार आहे . यासाठी वंचितचे नेते राष्ट्रीय उपाध्यक्ष धनराज वंजारी, माजी राज्य मंत्री डॉ. रमेश गजभिये युवा आघाडीचे प्रदेशाध्यक्ष निलेश विश्वकर्मा, प्रदेश सरचिटणीस कुशल मेश्राम , कामगार नेते राजू झोडे, यवतमाळ माजी जिल्हाउपाध्यक्ष मिलिंद पाटील, मंगल तेलंग,किशोर मुन कपिल मेश्राम आदि उपस्थित होते. यावेळी हजारो कार्यकर्ते उपस्थित होते.