ओबीसी जातनिहाय जनगणना समितीने दुर्धर आजाराने ग्रस्त आकृतीला दिला मदतीचा हात... 

 आकृती "जीबीएस" या दुर्धर आजाराने ग्रस्त 

वणी: ढाकोरी(बोरी) ता.वणी येथील गरीब शेतकरी वासुदेव कवरासे यांची मुलगी कु.आकृती ही एक लाखामधून एका व्यक्तीस होणाऱ्या "जीबीएस" या दुर्धर आजाराने ग्रस्त असल्याची माहिती ओबीसी जातनिहाय जनगणना कृती समितीचे  नारायण मांडवकर यांनी ओबीसी(व्हीजेएनटी, एसबीसी ) जातनिहाय जनगणना कृती समिती,वणी-झरी-मारेगाव च्या मंडळीला सांगितले असता लगेच समितीने तिला मदत करायचे ठरविले.

दिवाळीच्या शुभ पर्वावर दहा हजाराची मदत तिच्या घरी ढाकोरी येथे जाऊन देण्यात आली तसेच आकृतीच्या प्रकृतीची विचारपूस करून तिची सांत्वना करण्यात येऊन तिला आजारातून बरे होण्यासाठी मानसिक बळ व कुटुंबाला हिम्मत व मानसिक आधार देण्यात आला.यावेळी ओबीसी जातनिहाय जनगणना कृती समितीचे अध्यक्ष प्रदीप बोनगीरवर,अशोक चौधरी,प्रा बाळासाहेब राजूरकर,प्रा अनिल टोंगे, सुरेश मांडवकर,प्रा राम मुडे,नारायण मांडवकर, विकास चिडे आणि मोहन हरडे गुरुजी उपस्थित होते.